Collectorate : కలెక్టరేట్ లో నాసిరకం పనులు…ఊడిపడిన పీవోపీ సీలింగ్

దిశ, సూర్యాపేట కలెక్టరేట్ : సూర్యాపేట జిల్లా కలెక్టరేట్ లో మంగళవారం రెండవ అంతస్తులో పీవోపీ సీలింగ్ ఊడి పడడం జరిగిందని సమాచారం. ఈ సంఘటనలో జరిగినప్పుడు ఎవరూ ఆ ప్రాంతంలో లేరని తెలుస్తోంది. కలెక్టరేట్ నిర్మాణం ప్రారంభించినప్పటి నుంచి కాంట్రాక్టు నాసిరకం పనులు చేపడుతున్నాడని తెలిసినప్పటికీ… గత ప్రభుత్వం పట్టించుకోక పోవడంతో పాటు సంబంధిత అధికారులు కూడా ముడుపులకు ఆశపడి నాసిరకం పనులు చేసిన పట్టించుకోలేదని పలువురు ఆరోపిస్తున్నారు. నాసిరకం పనులు చేయడంతోటే పిఓపి ఊడిపడినట్లు తెలుస్తుంది. ఈ సంఘటన పైన కలెక్టర్ దృష్టి సారించి దిద్దుబాటు చర్యలు చేపట్టాలని పలువురు కోరుకుంటున్నారు.