ఎల్‌బీ నగర్ డిటెక్టివ్ ఇన్స్పెక్టర్ సుధాకర్‌కు రివార్డు
దిశ, యాదాద్రి భువనగిరి ప్రతినిధి: ఎల్‌బీ నగర్ డిటెక్టివ్ ఇన్స్పెక్టర్ ఎ.సుధాకర్‌కు రివార్డు లభించింది. ఈ రివార్డును తెలంగాణ రాష్ట్ర డీజీపీ జితేందర్ చేతుల మీదుగా మంగళవారం అందుకున్నారు. సుధాకర్ 2020లో భువనగిరి ఎస్ హెచ్ ఓ గా పని చేస్తున్న సమయంలో భువనగిరిలో ఒక మహిళ హత్య జరిగింది. ఈ హత్య కేసును విచారణ చేపట్టిన సుధాకర్ నిందితుడిని అరెస్టు చేశారు. కోర్టు విచారణలో నిందితుడు హత్యకు పాల్పడినట్లు పూర్తి సాక్ష్యాధారాలను సేకరించి కోర్టుకు సమర్పించారు. కోర్టు సాక్షధారాలను పరిశీలించి నిందితుడికి జీవిత కారాగార శిక్ష విధించింది. ఈ కేసులో చాకచక్యంగా వ్యవహరించి, కేసు దర్యాప్తులో మెరుగైన ప్రతిభ కనబరిచినందుకు ఆయనను డీజీపీ అభినందించి రివార్డును అందజేశారు.
Next Story
