గుండాల మండలంలో పులి సంచారం

దిశ, గుండాల : గుండాల మండలం దొంగతోగు అటవీ ప్రాంతంలో పులి సంచారంతో గుండాల మండల ప్రజలు ఆందోళన చెందుతున్నారు. ఇటీవలే దొంగతోగు గ్రామానికి చెందిన రైతులు వ్యవసాయ పనుల నిమిత్తం చేల వద్దకు వెళ్లగా పులి గాండ్రింపులు విని రైతులు భయపడి ఇంటికి వచ్చారు.

ఇటీవల ములుగు జిల్లాలోని వెంకటాపురం మండలం నుండి పినపాక మీదుగా రెండు రోజుల క్రితం అడవిరామారంలో సంచరించిందని, తాజాగా దొంగతోగు గ్రామంలో పులి సంచారంతో వివిధ పనుల నిమిత్తం వెళ్లే ప్రజలు ఆందోళనకు గురవుతున్నారు. కాగా పులి పాదముద్రలు సేకరణ కోసం అటవీశాఖ అధికారులు దొంగతోగు కాటే ప్రాంతంలోని బర్లగుట్ట ప్రాంతంలోకి వెళ్లినట్టు సమాచారం.