భక్తిశ్రద్ధలతో సీత్లా పండుగ

దిశ, కూసుమంచి : ఆషాఢ మాసం పునర్వసు కార్తె మొదటి మంగళ వారాన్ని పురస్కరించుకొని గిరిజన తండాల్లో మంగళవారం లంబాడీలు సిత్లా పండుగను ఘనంగా జరుపుకున్నారు. ఈ సందర్భంగా పంటలు బాగా పండాలని, పాడి పశువులకు ఎటువంటి రోగాలు రాకుండా ఉండాలని, ప్రకృతి మాత అందరినీ చల్లగా కాపాడాలని వేడుకున్నారు. ఇళ్లలో పాయసం, జొన్న గుగ్గిళ్లు వండుకొని బోనమెత్తి ఊరి పొలిమేరలో తాము తెచ్చిన పాయసాన్ని పోసి పశువులను వాటిమీద నుంచి దాటించారు. అనంతరం సీత్లా భవానీకి బోనం సమర్పించి కోళ్లను, మేకలను బలి ఇచ్చారు. సాంప్రదాయ నృత్యాలు చేస్తూ పండుగ జరుపుకున్నారు.