భద్రాద్రి కొత్తగూడెం జిల్లా కలెక్టర్ అనుదీప్ బదిలీ

దిశ ప్రతినిధి,కొత్తగూడెం : భద్రాద్రి కొత్తగూడెం జిల్లా కలెక్టర్​గా పని చేస్తున్న దురిశెట్టి అనుదీప్ హైదరాబాద్ కలెక్టర్​గా బదిలీ అయ్యారు. శుక్రవారం రాష్ట్ర వ్యాప్తంగా ఐఏఎస్ ల బదిలీలలో భాగంగా భద్రాద్రి జిల్లా కలెక్టర్ గా పని చేస్తున్న అనుదీప్ ను హైదరాబాద్కు బదిలీ చేశారు. రెండు సంవత్సరాలు జిల్లా కలెక్టర్​గా విధులు నిర్వహించి గోదావరి ముంపు సమస్యను ప్రాణ నష్టం కలగకుండా సమర్థవంతంగా ఎదుర్కొన్నారు. కాగా కొత్తగూడెం కలెక్టర్​గా జీహెచ్ఎంసీసి అదనపు కమిషనర్ ప్రియాంక అలాను నియమిస్తూ ప్రభుత్వం ఉత్తర్వులు జారీ చేసింది.