గ్రామాల్లో ఘనంగా చెరువు పండుగ
దిశ, ఖమ్మం రూరల్ : తెలంగాణ దశాబ్ది ఉత్సవాల్లో భాగంగా గురువారం రూరల్ మండలంలో ప్రతి గ్రామంలో చెరువు పండుగ ఘనంగా జరిగింది. ఆయా పంచాయతీల్లో స్పెషల్ అఫీసర్లు, సర్పంచ్లు, పంచాయతీ కార్యదర్శుల ఆధ్వర్యంలో బతుకమ్మలను ఎత్తుకుని వచ్చి ఆటపాటలతో చెరువు కట్టల వద్ద సందడి చేశారు. బతుకమ్మలను చెరువులో నిమజ్జనం చేశారు.
తెలంగాణ ప్రభుత్వం చేపట్టిన పథకాలు, వాటి ద్వారా జరిగిన అభివృద్ధిని అధికారులు వివరించారు. మిషన్కాకతీయలో చెరువులకు మహర్థశ పట్టిందన్నారు. కాగా కొంపురంలో జరిగిన చెరువు పండుగలో ఎమ్మెల్యే కందాల ఉపేందర్రెడ్డి పాల్గొని కోలాటం చేశారు. అనంతరం భోజన కార్యక్రమాన్ని ఆయన ప్రారంభించారు. ఈ కార్యక్రమంలో ఎంపీపీ బెల్లం ఉమ, ఇరిగేషన్ సీఈ శంకర్నాయక్, ఎంపీడీవో అశోక్కుమార్, తహసీల్దార్ టి. సుమ, ఎంపీవో రాజారావు, సుడా డైరెక్టర్ సంజీవరెడ్డి, సర్పంచ్లు, పంచాయతీ కార్యదర్శులు, ఎంపీటీసీలు తదితరులు పాల్గొన్నారు.
