సురానా గ్రూప్, సాయి సూర్య డెవలపర్స్ పై ఈడీ దాడులు
దిశ, జూబ్లీహిల్స్: మనీలాండరింగ్ కేసులో సురానా గ్రూప్, సాయి సూర్య డెవలపర్స్ కార్యాలయంలో బుధవారం ఈడీ అధికారులు సోదాలు నిర్వహిస్తున్నారు. మనీలాండరింగ్, చీటింగ్ కేసులో చిక్కుకున్న సాయి సూర్య డెవలపర్స్ పై ఈడీ అధికారులు సోదాలకు కరణం అయ్యాయా అనే ప్రశ్నలు తలెత్తుతున్నాయి.
వివరాల్లోకి వెళితే హైదరాబాద్‌లోని వెంగళ్ రావు నగర్‌లో ఉన్న ప్రముఖ రియల్ ఎస్టేట్ కంపెనీ సాయి సూర్య డెవలపర్స్ యజమాని కంచర్ల సతీష్ చంద్ర గుప్తా పై మోసపోయిన బాధితులు చీటింగ్ కేసు నమోదు చేశారు. నక్కా విష్ణు వర్ధన్, మరికొంత మందితో కలిసి, 2021 ఏప్రిల్‌లో సాయి సూర్య డెవలపర్స్ గ్రీన్ మెడోస్ వెంచర్‌లో - షాద్‌నగర్‌లోని 14 ఎకరాల భూమిలో - మూడు కోట్ల రూపాయలకు పైగా (రూ. 3,21,34,000) పెట్టుబడి పెట్టారు. ఈ వెంచర్‌లో పెట్టుబడి పెట్టిన ఇతరులు డాక్టర్ సుధాకర్ రావు, శ్రీ కాకుల్మ వైటల్ మహేష్, రాజేష్, శ్రీనాథ్, కె హరీష్, కోట్ల శశాంక్, సిహెచ్ రవి కుమార్, కె ప్రభావతి, వెంకట్ రావు, కృష్ణ మోహన్ హైదరాబాద్ మెట్రోపాలిటన్ డెవలప్‌మెంట్ అథారిటీ (HMDA) నుండి అవసరమైన అనుమతులు పొందిన నెలల్లోపు ప్లాట్లు రిజిస్టర్ చేయబడతాయని హామీ ఇవ్వడంతో, నాల (వ్యవసాయేతర భూమి), తనఖా ప్లాట్ల కోసం ఒక ఒప్పందం ద్వారా పెట్టుబడి పెట్టారు.
సమయం గడిచేకొద్దీ, కంపెనీ నుండి ఎటువంటి సమాచారం లేకపోవడంతో పెట్టుబడిదారుల అనుమానం మరింత పెరిగింది. రిజిస్ట్రేషన్, స్టాంపుల శాఖతో విచారణ జరిపిన తరువాత, నక్క విష్ణువర్ధన్, అతని సహచరులు ఒక బాధకరమైన విషయాన్ని కనుగొన్నారు. వారి పెట్టుబడికి సంబంధించిన అన్ని తనఖా ప్లాట్లు థర్డ్-పార్టీ ఫై నాన్షియర్లు, అంటే ఎస్.ఆర్.వి & టీ.ఎన్.ఆర్ ఇన్ఫ్రా-రాజారామ్ & వాస్గి వెంకటేష్ లకు వారి సమ్మతి లేకుండా రిజిస్టర్ చేశారని తెలియటంతో సాయి సూర్య డెవలపర్స్ యాజమాన్యాన్ని బాదితులు ప్రశ్నించినా , వారి వద్ద నుండి ఎలాంటి స్పందన లేకపోవటంతో నిరాశన వ్యక్తం చేస్తూ, న్యాయం కోరుతూ, నక్కా విష్ణు వర్ధన్, మరో 30 మంది పెట్టుబడిదారులు మధుర నగర్ పోలీస్ స్టేషన్‌లో ఫిర్యాదు చేశారు. సతీష్ చంద్ర గుప్తా సాయి సూర్య డెవలపర్స్ పై అవసరమైన చర్యలు తీసుకోవాలని అధికారులను కోరారు. అయితే మధురానగర్ పోలీసులు సామాన్లు జారీ చేసిన యాజమాన్యం నుంచి ఎలాంటి స్పందన లేదని, చివరకు సీసీఎస్ కి కేసుని బదిలీ చేశారు. అయితే బుధవారం సాయిసూర్య డెవలపర్స్ కార్యాలయంలో ఈడీ సోదాలు ముమ్మరంగా నిర్వహిస్తుంది. కేసు నమోదు అయ్యి నాలుగు సంవత్సరాలు గడిచిన బాధితులకు ఇప్పటివరకు ఎలాంటి న్యాయం జరగలేదని బాదితులు వాపోతున్నారు.
