పాతబస్తీలో కార్పొరేటర్ అల్లుడు దారుణ హత్య
దిశ, చార్మినార్: ఓ ఇంటి స్థల విషయంలో తలెత్తిన వివాదంలో ఇద్దరు గుర్తు తెలియని వ్యక్తులు మజ్లిస్కార్యాయంలోకి చొరబడి కార్పొరేటర్అల్లుడిని కత్తులతో అతి కిరాతకంగా హత్యచేసిన ఘటన పాతబస్తీ భవానీనగర్ పోలీస్స్టేషన్పరిధిలో తీవ్ర కలకలం రేపింది. మజ్లిస్ కార్పొరేటర్ అల్లుడిని హతమార్చిన ఘటనలో భవానీనగర్ పోలీసులు ఇద్దరు వ్యక్తులను అదుపులోకి తీసుకుని విచారిస్తున్నట్లు తెలిసింది. వివరాలలోకి వెళితే... పాతబస్తీ చాంద్రాయణగుట్ట నియోజకవర్గంలోని లలితాబాగ్ 36వ డివిజన్ కార్పొరేటర్ మొహమ్మద్ ఆలీ షరీఫ్ (ఆజం) రియాసత్నగర్లో మజ్లిస్ పార్టీ కార్యాలయాన్ని నడుపుతున్నాడు. కార్పొరేటర్ అల్లుడు సయ్యద్ ముర్తూజా అనాస్ (21) అన్వరులాం కాలేజ్ లో ఇంటర్ విద్యార్థి. సోమవారం సాయంత్రం మామ కార్పొరేటర్ మొహమ్మద్ ఆలీ షరీఫ్కు చెందిన మజ్లిస్ కార్యాలయంకు అనాస్ చేరుకున్నాడు. కాసేపటికే బైక్ పై వచ్చిన ఇద్దరు గుర్తు తెలియని వ్యక్తులు వెంట తెచ్చుకున్న కత్తులతో అతి కిరాతకంగా దాడిచేసి అక్కడి నుంచి పరారయ్యారు. దీంతో కార్పొరేటర్ అల్లుడు సయ్యద్ ముర్తూజా అనాస్ కు తీవ్ర గాయాలయ్యాయి. కార్పొరేటర్ కార్యాలయంలో గొడవ జరుగుతుందని సమాచారం అందుకున్న భవానీ నగర్ పోలీసులు వెంటనే ఘటనా స్థలికి చేరుకున్నారు. అప్పటికే రక్తపు మడుగులో కుప్పుకూలిన సయ్యద్ ముర్తూజా అనాస్ ను చికిత్స నిమిత్తం ఓవైసీ ఆసుపత్రికి తరలించారు. ఆసుపత్రిలో చికిత్స పొందుతున్న అనాస్ పరిస్థితి విషమించడంతో కాసేపటికే మృతిచెందాడు. సమాచారం అందుకున్న సౌత్జోన్ డీసీపీ సాయిచైతన్య, అడిషనల్ డీసీపీ ఆనంద్లు ఘటనా స్థలికి చేరుకుని పరిస్థితిని సమీక్షించారు. క్లూస్ టీం, జాగిలాలను రప్పించారు. స్థానికంగా ఉన్న సీసీ కెమెరాలను పరిశీలించారు. ప్రత్యక్ష సాక్షుల ద్వారా వివరాలు అడిగి తెలుసుకున్నారు. సయ్యద్ ముర్తూజా అనాస్ పై కత్తులతో దాడిచేసి హతమార్చిన ఇద్దరిని భవానీనగర్ పోలీసులు అదుపులోకి తీసుకుని విచారిస్తున్నట్లు సమాచారం. ఒక ల్యాండ్ సెటిల్ మెంట్ విషయంలో తాను చెప్పింది వినాల్సిందేనని వేదింపులు తీవ్రతరం చేయడం కారణంగానే అతన్ని హతమార్చినట్లు పోలీసులు అనుమానిస్తున్నారు. ఈ కేసును భవానీనగర్ పోలీసులు దర్యాప్తు చేస్తున్నారు.
పాతబస్తీ ఓవైసీ ఆసుపత్రి వద్ద ఉద్రిక్తత..
దుండగుల దాడిలో తీవ్రగాయాలకు గురైన సయ్యద్ముర్తూజా అనాస్ను పోలీసులు చికిత్స నిమిత్తం ఓవైసీ ఆసుపత్రికి తరలించారు. ఆసుపత్రిలో చికిత్స పొందుతున్న సయ్యద్ముర్తూజా అనాస్పరిస్థితి విషయమించడంతో కాసేపటికే మృతి చెందాడు. పాతబస్తీలోని మొయిన్బాగ్లో లలితాబాగ్డివిజన్కార్పొరేటర్మొహమ్మద్ఆలీ షరీఫ్కార్యాలయంపై గుర్తు తెలియని వ్యక్తులు కత్తులతో చొరబడి అతని అల్లుడు అనాస్ను హతమార్చారన్న వార్త దావానంలా వ్యాపించడంతో కార్పొరేటర్ అనుచరులు, బంధువులు, మజ్లిస్కార్యకర్తలు, నాయకులు పెద్ద ఎత్తున ఓవైసీకి చేరుకున్నారు. అక్కడ ఫొటోలు వీడియోలు తీస్తున్న ఇద్దరి ఫోన్లను సైతం మజ్లిస్ కార్యకర్తలు ధ్వంసం చేసినట్లు సమాచారం. ఓవైసీ ఆసుపత్రి వద్ద పరిస్థితి ఉద్రిక్తత చోటు చేసుకుంది. దక్షిణ మండలం డీసీపీ సాయిచైతన్య ఆధ్వర్యంలో పాతబస్తీలోని మొయిన్బాగ్ తో పాటు ఓవైసీ ఆసుపత్రి వద్ద భారీ పోలీస్బందోబస్తును ఏర్పాటు చేశారు.
ఎంపీ అసదుద్దీన్ ఓవైసీ కూతురు పెళ్లిలో బిజీ..
హైదరాబాద్ ఎంపీ అసదుద్దీన్ఓవైసీ కూతురు వివాహం వేడుకల్లో బిజీలో ఉండగా పాతబస్తీ మొయిన్బాగ్లో కార్పొరేటర్ మజ్లిస్కార్యాలయంపై దాడి జరగడం, కార్పొరేటర్అల్లుడుని హతమార్చిన ఘటనపై ఓవైసీ బ్రదర్స్సీరియస్అయినట్లు సమాచారం. దాడి విషయమై పోలీసులను మజ్లిస్పార్టీ అధినేతలు ఆరాతీస్తున్నట్లు సమాచారం.
READ MORE
