అక్రమాలకు పాల్పడుతున్న సి ఏ ను తొలగించండి

దిశ, లోకేశ్వరం: లోకేశ్వరం మండలంలోని రాజుర గ్రామంలో ఐకేపీ సీఏ గా పని చేస్తున్న మహిళను తొలగించాలని ఆ గ్రామ మహిళ సంఘాల సభ్యులు మంగళవారం ఎంపీడీవో కార్యాలయంలో ఫిర్యాదు చేశారు. రాజుర గ్రామంలో సిఏ గా పనిచేస్తున్న ఆర్ల రాణి గత కొంతకాలంగా మహిళ సంఘాల సభ్యులను పట్ల దురుసుగా ప్రవర్తిస్తూ, అక్రమాలకు పాల్పడుతోందని అలాగే బ్యాంకు ఖాతాల్లో జమ చేసేందుకు సంఘాల సభ్యులు చెల్లించిన నెలవారి రుణం, పొదుపు డబ్బులను జమ చేయకుండా అక్రమాలకు పాల్పడుతుందని వారు ఫిర్యాదులో పేర్కొన్నారు. అలాగే మామూలు ఇచ్చిన వారికి రుణాలు మంజూరు చేయిస్తూ మామూలు ఇవ్వని గ్రూపు సభ్యులకు వేధిస్తోందని వారు అందులో పేర్కొన్నారు. విచారణ జరిపి ఆమెను తొలగించాలని ఎంపీడీవో కార్యాలయం తో పాటు, ఐకెపి కార్యాలయంలో ఏపీఎంకు ఫిర్యాదు చేశారు.