పెద్దపులి దాడిలో గేదె దూడ మృతి..

దిశ, బెజ్జూర్ : కొమరం భీమ్ ఆసిఫాబాద్ జిల్లా కాగజ్నగర్ ఫారెస్ట్ డివిజన్ లో పెద్దపులి కలకలం రేపుతోంది. గత కొన్ని రోజులుగా వరుసగా దాడులు చేస్తూ ,వచ్చిన పెద్దపులి మంగళవారం ఉదయం డివిజన్లోని సిర్పూర్ మండలం హుడికిలి గ్రామంలో గేదె దూడపై దాడి చేసినట్లు స్థానికులు తెలిపారు. వారి వివరాల ప్రకారం , హుడ్కిలిగ్రామానికి చెందిన ధంద్రే రావు జి ఇంటి వద్ద కట్టేసి ఉన్న దూడపై దాడి చేసి చంపినట్లు తెలిపారు. గ్రామంలో పెద్దపులి ప్రవేశించడంతో ప్రజలు భయాందోళనకు గురవుతున్నారు .ఇంటి నుంచి బయటకు వెళ్లాలంటేనే గ్రామస్తులు భయపడుతున్నట్లు తెలిపారు. పెద్దపులి బారి నుంచి కాపాడవలసిందిగా అటవీ అధికారులను వేడుకుంటున్నారు.