- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- ఐసీసీ T20 వరల్డ్ కప్-2024
- లోక్సభ ఎన్నికలు-2024
కొడుకు పుట్టాడు చూడడానికి రా అని ప్రియుడిని పిలిచిన మైనర్.. తండ్రి ఏం చేశాడంటే..?
![కొడుకు పుట్టాడు చూడడానికి రా అని ప్రియుడిని పిలిచిన మైనర్.. తండ్రి ఏం చేశాడంటే..? కొడుకు పుట్టాడు చూడడానికి రా అని ప్రియుడిని పిలిచిన మైనర్.. తండ్రి ఏం చేశాడంటే..?](https://www.dishadaily.com/h-upload/2024/05/24/337391-police.webp)
దిశ, చార్మినార్: ఫోక్సో కేసులో జైలు జీవితం గడిపి ఇంటికి వచ్చాడని తెలుసుకున్న ప్రియురాలు మనకు కొడుకు పుట్టాడని చూడడానికి రా... అంటూ ప్రియుడిని పిలిచింది. ప్రియురాలి ఇంట్లోకి ప్రవేశించగానే సి.సి కెమెరా ద్వారా అలర్ట్ అయిన ఆమె తండ్రి అతనిపై దాడికి తెగబడ్డాడు. అతని నుంచి తప్పించుకుని అదే ఇంట్లో ఓ గదిలోకి వెళ్లి గడియ పెట్టుకుని డయల్ 100 ద్వారా పోలీసులకు ఫిర్యాదు చేసిన బండ్లగూడ పోలీస్ స్టేషన్ పరిధిలో శుక్రవారం తెల్లవారుజామున జరిగింది. బాధితుడు తెలిపిన వివరాల ప్రకారం ... పాతబస్తీ గౌస్ నగర్కు చెందిన అబ్దుల్ సోహైల్ (25) కు అదే ప్రాంతానికి చెందిన ఓ మైనర్ బాలికతో సంవత్సరం క్రితం పరిచయమయ్యింది.
ఈ నేపధ్యంలోనే వారి మధ్య ప్రేమ చిగురించి పెళ్లికి సిద్దమయ్యారు. మూడు నెలల క్రితం ఆ ప్రేమ జంట ఇంటి నుంచి పరారయ్యింది. మైనర్ బాలిక తండ్రి ఇచ్చిన ఫిర్యాదు మేరకు బండ్లగూడ పోలీసులు అబ్దుల్ సోహైల్ పై ఫోక్సో చట్టం కింద కేసులు నమోదు చేసి అరెస్ట్ చేసి రిమాండ్కు తరలించారు. 45 రోజులు జైలు జీవితం గడిపిన అనంతరం సోహైల్ బెయిల్పై ఇటీవల ఇంటికి వచ్చాడు. సమాచారం అందుకున్న ప్రియురాలు మనకు కొడుకు పుట్టాడని ఇంకా వచ్చిచూడవా? అంటూ గత మూడు రోజులుగా సోహైల్కు ఫోన్లు చేయసాగింది. దీంతో శుక్రవారం తెల్లవారుజామున 4గంటలకు మరోమారు సోహైల్ కు ఫోన్ చేయడంతో ప్రియురాలి ఇంటికి వెళ్లాడు.
ఇంటి దగ్గరకి చేరుకున్నప్రియుడు మీనాన్న కు సంబంధించిన వాళ్లు ఇంటి బయట ఉన్నారని, సి.సి కెమెరాలు ఆన్లో ఉన్నాయా? అని ప్రియురాలికి ఫోన్ చేసి అడిగాడు. నేను సి.సి కెమెరాలు ఆఫ్ చేస్తానని చెప్పడంతో వెనుక మార్గం నుంచి ప్రియుడు ఇంట్లోకి ప్రవేశించాడు. సోహైల్ ఇంట్లోకి రాగానే సి.సి కెమెరా ద్వారా అలర్ట్ అయిన ఆమె తండ్రి అతన్ని పట్టుకున్నాడు. సోహైల్ను చితకబాదుతుండగా అతను తప్పించుకుని అదే ఇంట్లో ఓ గదిలోకి వెళ్లి గడియపెట్టుకున్నాడు. వెంటనే సెల్ఫీ వీడియోలు తీసుకుని నన్ను చంపేస్తున్నారంటూ నేను గదిలోకి వెళ్లి దాక్కున్నానని, నన్ను రక్షించండి అంటూ డయల్ 100 ద్వారా పోలీసులకు ఫిర్యాదు చేశాడు.
పోలీసులు ఘటనా స్థలికి చేరుకున్న అనంతరం వారి సమక్షంలో ఆ గది నుంచి బయటికి వచ్చాడు. దీంతో పోలీసులు సోహైల్ ను చికిత్స నిమిత్తం ఉస్మానియా ఆసుపత్రికి తరలించారు. దీనికి సంబంధించిన ఆడియోలు, సెల్ఫీ వీడియోలు వైరల్గా మారాయి. ఆమె తండ్రి ఓ బీఆర్ ఎస్ నాయకుడని మా పై కావలసుకుని కుట్రతో కేసులు పెడుతున్నాడని, సోహైల్ సోదరి ఆరోపించింది. ఈ కేసును బండ్లగూడ పోలీసులు దర్యాప్తు చేస్తున్నారు.