బిగ్ బ్రేకింగ్.. బీజేపీలోకి తీన్మార్ మల్లన్న.. ఆ తేదీన ఢిల్లీకి మల్లన్న!

దిశ, వెబ్‌డెస్క్ : ప్రముఖ జర్నలిస్టు, Q న్యూస్ అధినేత తీన్మార్ మల్లన్న అలియాస్ చింతపండు నవీన్ కుమార్ బీజేపీలో చేరుతున్నట్టు ఆఫీషియల్‌గా ప్రకటించారు. డిసెంబర్ 7వ తేదీన (మంగళవారం) తాను బీజేపీలో చేరబోతున్నట్టు ట్విట్టర్ వేదికగా మల్లన్న ప్రకటించారు. తాను బీజేపీలో చేరేందుకు అన్ని ఫార్మాలిటీస్ పూర్తి అయ్యాయని పేర్కొన్నారు.

ఈ సందర్భంగానే ట్విట్టర్ వేదికగా జేపీ నడ్డాకు, కేంద్ర హోంశాఖ మంత్రి అమిత్ షా‌కు, కేంద్ర మంత్రి కిషన్ రెడ్డికి, తెలంగాణ బీజేపీ అధ్యక్షుడు బండి సంజయ్‌కి, ఇతర బీజేపీ నేతలకు మల్లన్న థ్యాంక్స్ చెప్పారు. ఢిల్లీ వేదికగా నడ్డా ఆధ్వర్యంలో మల్లన్న బీజేపీలో చేరనున్నట్టు తెలుస్తోంది. ఇదిలా ఉండగా తీన్మార్ మల్లన్న ఇటీవలే చంచల్‌గూడ జైలు నుంచి విడుదలైన విషయం తెలిసిందే. ఓ స్వామిజీ వద్ద డబ్బులు డిమాండ్ చేశారనే కేసులో పోలీసులు మల్లన్నను అరెస్ట్ చేశారు.

Completed all things thanks to @bandisanjay_bjp @Arvindharmapuri @kishanreddybjp @vivekvenkatswam @apjithender @aruna_dk @PMuralidharRao @RaghunandanraoM @AmitShah @JPNadda @PMOIndia and all others 7 th December is conform

— Teenmar Mallanna (@TeenmarMallanna) December 4, 2021