ఈ చెట్టు జాతికి 15 కోట్ల సంవత్సరాలు.. దాని సీక్రెట్స్ బయట పెట్టిన శాస్త్రవేత్తలు..
దిశ, ఫీచర్స్ : మనిషి అయినా, జంతువు అయినా, వృక్షమైన ఒక్కసారి చనిపోతే మళ్లీ బ్రతికించలేమని అంటారు. ఒక్కసారి ధ్వంసమైతే దాన్ని ఎవరూ తిరిగి సజీవంగా తీసుకురాలేరు. కానీ నేటి కాలంలో, శాస్త్రవేత్తలు ఇప్పుడు ఒక సాంకేతికతను కనుగొన్నారు. దీని ద్వారా వారు ఒకసారి నాశనం అయిన వాటిని పునరుద్ధరించవచ్చు. ఈ క్రమంలోనే 15 కోట్ల ఏళ్ల వృక్షాన్ని శాస్త్రవేత్తలు పునరుద్ధరించబోతున్నారు.
నిజానికి ఇక్కడ మనం మాట్లాడుకుంటున్న చెట్టు పేరు వోలేమి పైన్స్. ఈ చెట్టు 1994లోనే అంతరించిపోయినట్లుగా పరిగణిస్తున్నారు. కానీ ఇప్పుడు శాస్త్రవేత్తలు ఈ మొక్క జీవ శిలాజాన్ని మరోసారి పునరుద్ధరించడానికి ప్రయత్నిస్తున్నారు. మీడియా నివేదికల ప్రకారం ఈ మొక్కను బ్లూ మౌంటైన్ హైకర్లు మొదట చూశారు. అయితే ఇది ఎక్కడ సజీవంగా ఉంది. ప్రస్తుతం దీని గురించి ఎవరికీ సమాచారం లేదు. మనం దాని జాతుల గురించి మాట్లాడుకుంటే నేటికీ ఈ చెట్టు సంబంధించిన 60 జాతులు భూమి పై సజీవంగా ఉన్నాయి. అయితే ఈ చెట్లను ఫైటోఫ్తోరా సిన్నమోమి అనే వ్యాధి క్రమంగా నాశనం చేస్తున్నాయి.
ఈ చెట్టు మళ్ళీ బతుకుతుందా.. ?
ఆస్ట్రేలియాలోని న్యూ సౌత్ వేల్స్ అడవుల్లో అగ్నిప్రమాదం కారణంగా ఈ చెట్లు అంతరించి పోయాయంటున్నారు కొందరు ప్రముఖులు. ఈ చెట్టు భూమిపై 145 మిలియన్ ఏళ్లుగా ఉందని, నేటికీ అందులో ఎలాంటి మార్పు కనిపించలేదని శాస్త్రవేత్తలు తెలిపారు. గతంలో 2012, 2019, 2021 సంవత్సరాల్లో దీనిని పెంచడానికి ప్రయత్నాలు జరిగాయని అవి విజయవంతం కాలేదని వారు పేర్కొన్నారు.
2019లో 400 మొక్కలు నాటేందుకు ప్రయత్నించగా 58 మాత్రమే కాపాడగలిగారట. 2021లో దాదాపు 502 చెట్లను నాటేందుకు ప్రయత్నించగా వాటిలో 80 శాతం భారీ వర్షాల కారణంగా కొండచరియలు విరిగిపడి ధ్వంసమయ్యాయట. ఇక వాటి పెరుగుదల గురించి మాట్లాడితే ఇది ఎదగడానికి చాలా దశాబ్దాలు పడుతుందని చెబుతున్నారు. ఎందుకంటే అవి ప్రతి సంవత్సరం 1.02 సెం.మీ మాత్రమే పెరుగుతాయట. అవి మళ్లీ సజీవంగా వస్తాయని శాస్త్రవేత్తలు చెప్పినప్పటికీ, అవి ఎంతకాలం జీవించి ఉంటాయో చెప్పడం చాలా కష్టం.
