న్యూస్ ఛానెల్స్, ఓటీటీలకు కేంద్రం షాక్.. ఆ యాడ్స్ వేస్తే కఠిన చర్యలు

by Disha Web |
న్యూస్ ఛానెల్స్, ఓటీటీలకు కేంద్రం షాక్.. ఆ యాడ్స్ వేస్తే కఠిన చర్యలు
X

దిశ, వెబ్‌డెస్క్: దేశంలోని వార్త, ఓటీటీ ఫ్లాట్ ఫార్మ్‌ సంస్థలకు కేంద్ర ఇన్ఫర్మేషర్, బ్రాడ్‌కాస్టింగ్ మంత్రిత్వశాఖ సరికొత్త మార్గదర్శకాలు విడుదల చేసింది. ఆయా రంగాల్లోని సంస్థలు ఆన్‌లైన్ బెట్టింగ్ ప్లాట్‌ఫార్మ్‌లకు సంబంధించిన ప్రకటనలను ప్రదర్శించవద్దని ప్రభుత్వం తెలిపింది. ఈ మేరకు వార్త వెబ్‌సైట్లు, ఓటీటీ ఫ్లాట్‌ఫార్మ్, ప్రైవేట్ శాటిలైట్ ఛానెల్స్‌, సోషల్ మీడియా సంస్థలకు కేంద్ర ప్రభుత్వం మార్గదర్శకాలు జారీ చేసింది. అంతేకాకుండా ఈ విషయంలో ఎవరైనా నిబంధనలు ఉల్లంఘిస్తే వారిపై సంబంధిత చట్టాల ప్రకారం కఠిన చర్యలు తీసుకోబడతాయని ప్రైవేట్ శాటిలైట్ టెలివిజన్ ఛానెల్స్ ఆప్ ప్యానెల్ హెచ్చరికలు జారీ చేసింది.

ఈ మార్గదర్శకాల పత్రాలను మంత్రిత్వ శాఖ అధికారిక ట్విట్టర్ ఖాతాలో షేర్ చేయబడింది. 'ఆన్‌లైన్, ఆఫ్‌లైన్ బెట్టింగ్ ప్లాట్‌ఫార్మ్, వాటి సంబంధిత ప్రకటనలను ఎట్టిపరిస్థితుల్లో ప్రకటించవద్దని ప్రైవేట్ శాటిలైట్ టెలివిజన్ ఛానెళ్లను కోరుతున్నాం. అంతేకాకుండా ఈ ఛానెళ్లకు సంబంధించిన వెబ్‌సైట్లు లేక ఇతర ఫ్లాట్‌ఫార్మ్‌లలో కూడా బెట్టింగ్‌కు ప్రోత్సహించే విధంగా ఎటువంటి ప్రకటన, వార్త ప్రచురితం కాకూడదు' అని మంత్రిత్వ శాఖ తన ఆదేశాల్లో పేర్కొంది.

Job Notifications Latest Current Affairs 2022


Read latest Telugu news disha daily epaper

Next Story

Most Viewed