అంతకు మించి ఖర్చు పెట్టొద్దు.. పాఠశాల ఎగ్జామ్ బడ్జెట్ తగ్గించిన ప్రభుత్వం..

by Disha Web |
అంతకు మించి ఖర్చు పెట్టొద్దు.. పాఠశాల ఎగ్జామ్ బడ్జెట్ తగ్గించిన ప్రభుత్వం..
X

దిశ, వెబ్‌డెస్క్: విద్య, వైద్యం ప్రజల మౌలిక వసతుల్లో ఒకటని చెప్పే నమ్మే ప్రభుత్వాల్లో ఢిల్లీ ప్రభుత్వం ఒకటి. విద్యార్థులకు అందించాల్సిన ప్రాథమిక హక్కు విద్య అని కూడా కేజ్రీవాల్ ప్రభుత్వం అనేక సందర్భాల్లో పేర్కొంది. అయితే ఈ క్రమంలోనే తాజాగా కేజ్రీవాల్ ప్రభుత్వం సంచలన నిర్ణయం తీసుకుంది. ప్రభుత్వ పాఠశాల్లో పరీక్షల బడ్జెట్‌ను భారీగా తగ్గిస్తూ నిర్ణయం తీసుకుంది. ఇకపై పరీక్షల బడ్జెట్ కేవలం రూ.90 ఉండనున్నట్లు ప్రకటించింది. 2022-23 విద్యాసంవత్సరంలో ప్రభుత్వ పాఠశాలల్లో నిర్వహించే పరీక్ష బడ్జెట్‌ను రూ.125 నుంచి రూ.90కు తగ్గిస్తున్నట్లు తాజాగా తెలిపింది. ఈ మేరకు విషయాన్ని విద్యాశాఖ అధికారి వెల్లడించారు.

'ఎడ్యుకేషన్ డైరెక్టరేట్‌లోని అన్ని ప్రభుత్వ పాఠశాలల అధిపతులకు బడ్జెట్ కేటాయింపు గురించి అత్యవసర గమనిక. 2022-23 విద్యాసంవత్సరంలో తరగతి 1 నుంచి 11 వరకు పరీక్షలు నిర్వహించేందుకు ఒక్కో విద్యార్థికి చేసే ఖర్చును రూ.125 నుంచి రూ.90కి తగ్గించడం జరిగింది' అని తన సర్క్యులర్‌లో ఎద్యుకేషన్ డైరెక్టర్ పేర్కొంది. అంతేకాకుండా ఈ ఏడాది బడ్జెట్ లోటు కారణంగా ఒక్కో విద్యార్థికి పరీక్ష నిర్వహించేందుకు చేసే ఖర్చును రూ.125 నుంచి తగ్గించి రూ.90 చేశామని, కాబట్టి ప్రతి పాఠశాల అధిపతి కూడా ఈ ఖర్చు రూ.90 దాటకుండా చూసుకోవాలని సూచించారు.

దాంతో పాటుగా ఇందుకోసం అధిక బడ్జెట్ డిమాండ్ స్వీకరించబడదని పేర్కొంది. 'ప్రతి వస్తువు ధర రోజురోజుకూ పెరుగుతోంది. ఈ కారణంగా విద్య రంగంలో ప్రభుత్వం మరింత బడ్జెట్ కోతలు చేయనుంది. ఇది ప్రభుత్వ పాఠశాలల ముందున్న మరో సమస్య' అని ప్రభుత్వ పాఠశాల ఉపాద్యాయుల అసోసియేషన్ జిల్లా సెక్రటరీ శాంత్ రామ్ అన్నారు.

We are Hiring SEO Executive for Telugu News website.
For more details Click here
Send us your resume to:[email protected] / Whatsapp 8886424242

Next Story

Most Viewed