అందకూర్ గ్రామ రూపురేఖలు మారుస్తా : ఎంపీ సోయం బాపురావు
దిశ, ముధోల్ : నిర్మల్ జిల్లా కుంటాల మండలంలో చాలా సమస్యలు ఉన్న అందకూర్ గ్రామ రూపురేఖలు మార్చేస్తానని ఆదిలాబాద్ ఎంపీ సోయం బాపురావు అన్నారు. గురువారం అందకూర్ గ్రామంలో ప్రధానమంత్రి సంసద్ ఆదర్శ్ గ్రామ యోజన స్కిమ్ లో భాగంగా సభ ఏర్పాటు చేశారు. జిల్లా కలెక్టర్ ముషారఫ్ అలీతో కలిసి గ్రామంలో పర్యటించారు. గ్రామంలో నెలకొన్న సమస్యలన్నింటిని గుర్తించి పరిష్కారానికి చర్యలు తీసుకుంటానని తెలిపారు.
కేంద్ర ప్రభుత్వం దత్తత గ్రామాలకు స్పెషల్ నిధులు విడుదల చేయనుందని, ఆ నిధులతో గ్రామాన్ని అభివృద్ధి చేస్తానని పేర్కొన్నారు. ఏ ఒక్క సమస్య లేకుండా అన్ని వసతులు, సదుపాయాలు కల్పించడం జరుగుతుందని చెప్పారు. రూర్భన్ పథకం ద్వారా కుంటాల మండలానికి 15 కోట్ల రూపాయలు మంజూరు అయ్యాయని, ప్రధానమంత్రి 22 పథకాల ద్వారా గ్రామాన్ని అభివృద్ధి బాటలో నడిచేందుకు కృషి చేస్తానని, కేంద్ర ప్రభుత్వ పథకాలను ప్రజలు సద్వినియోగం చేసుకోవాలని సూచించారు.
అనంతరం నిర్మల్ జిల్లా కలెక్టర్ ముషారఫ్ అలీ ఫారుకి మాట్లాడుతూ… గ్రామంలో ఏ సమస్య ఉన్న సెక్రెటరీ, సర్పంచ్ ద్వారా తమ దృష్టికి తీసుకురావాలని సూచించారు.ఈ కార్యక్రమంలో నిర్మల్ జిల్లా బీజేపీ అధ్యక్షురాలు పడకంటి రమాదేవి, జిల్లా బీజేపీ శ్రేణులు, సర్పంచ్, ఎంపీటీసీ తదితరులు పాల్గొన్నారు.
