ఆ విషయంలో తండ్రిని ఫాలో అవుతున్న స్టార్ కిడ్.. కోట్లల్లో సంపాదన సుహానా ఖాన్
దిశ, సినిమా : బాలీవుడ్ స్టార్ హీరో షారుఖ్ ఖాన్ డాటర్ సుహానా ఖాన్ గురించి పరిచయం అక్కర్లేదు. ఇప్పుడిప్పుడే కెరీర్ మొదలు పెట్టిన ఈ చిన్నది ‘ది ఆర్చిస్‌’ సినిమా ద్వారా ఎంట్రీ ఇచ్చింది. నేరుగా OTTలో విడుదలైన ఈ మూవీ పెద్దగా ఆదరణ పొందలేదు. కానీ నటన పరంగా మాత్రం ప్రేక్షకులను బాగా ఆకట్టుకుంది సుహానా. అయితే ఈ అమ్మడు సినిమాలతో పాటు ఇప్పుడు బిజినెస్‌లు కూడా మొదలెట్టింది.. నటిగా ఎంట్రీ ఇచ్చి డబ్బు సంపాదించడం ప్రారంభించినట్లే పెట్టుబడి పెట్టడం కూడా ప్రారంభించింది.
తాజా సమాచారం ప్రకారం సుహానా ఖాన్ ముంబై శివార్లలో భారీ రియల్ఎస్టేట్‌లో పెట్టుబడి పెట్టింది. ముంబై సమీపంలోని అలీబాగ్‌లో ఓ భూమిని కొనుగోలు చేసింది. దాదాపు రెండు ఎకరాల భూమిని కొనుగోలు చేసింది సుహానా. 78,361 చదరపు అడుగుల విస్తీర్ణంలో ఉన్న ఈ భూమిని రిజిస్ట్రేషన్ చేసేందుకు సుహానా రూ.57 లక్షల రూపాయల ఫీజు చెల్లించగా, రికార్డుల ప్రకారం మొత్తం ఆస్తి విలువ 12.91 కోట్ల రూపాయలు అని తెలుస్తోంది. మనకు తెలిసి షారుఖ్ ఖాన్ కుటుంబంలో దాదాపు అందరూ తమ సొంత వ్యాపారం లేదా పెట్టుబడులు చేస్తున్నవారే.
షారుఖ్ ఖాన్ హీరోగా నటనతో పాటు ప్రొడక్షన్ హౌస్‌లు, స్టూడియోలు, రియల్ ఎస్టేట్ , కొన్ని స్టార్టప్‌లలో కూడా పెట్టుబడి పెట్టారు. అలాగే షారుఖ్ భార్య గౌరీ ఖాన్ కూడా ప్రముఖ ఇంటీరియర్ డిజైనర్ అండ్ ఇంటీరియర్ డిజైన్ సంస్థకు యజమాని కూడా. తాజాగా ఆమె ముంబైలో ‘టోరీ’ పేరుతో రెస్టారెంట్‌ను ప్రారంభించింది. ఇక కుమారుడు ఆర్యన్ ఖాన్ ‘దివోల్ అనే బ్రాండ్‌’ ను ప్రారంభించాడు, ఇది స్టైలిష్ దుస్తులు, గాడ్జెట్‌లు అలాగే వోడ్కాను కూడా విక్రయిస్తున్నాడు. ఇక సుహానా ఖాన్ కూడా ఇన్‌స్టాగ్రామ్ మోడల్ గా, కాస్మోటిక్స్ కంపెనీలో పెట్టుబడి పెట్టడంతొపాటుగా.. ఇప్పుడు రియల్ ఎస్టేట్‌లో పెట్టుబడులు పెట్టడం ప్రారంభించింది. మొత్తనికి ఫ్యామిలి మొత్తం తెలివిగా డబ్బు సంపాదిస్తున్నారు.
