డ్రగ్స్ కేసు: కొత్త లిస్ట్‌లో నిహారిక పేరు
దిశ, వెబ్‌డెస్క్: తెలంగాణలో బంజారాహిల్స్ డ్రగ్స్ కేసు సంచలనం రేపుతోంది. బంజారాహిల్స్ లోని ర్యాడిసన్ బ్లూ హోటల్ ఫుడ్డింగ్ అండ్ మింగ్ పబ్ లో డ్రగ్స్ తీసుకుంటూ పలువురు సినీ, రాజకీయ ప్రముఖుల కొడుకులు, కూతుళ్లు పట్టుబడినట్లు వస్తున్న వార్తలు కలకలం రేపుతున్నాయి. ఈ కేసులో సినీ నటి నిహారికతో పాటు టీడీపీ ఎంపీ గల్లా జయదేవ్ కుమారుడు గల్లా సిద్ధార్థ్ లకు పోలీసులు నోటీసులు పంపడం సంచలనంగా మారింది.
అయితే ఈ పబ్ లో జరిగిన పార్టీలో పాల్గొన్న 142 మంది పేర్లతో కూడిన లిస్ట్ ను పోలీసులు విడుదల చేశారు. కానీ ఈ లిస్ట్ లో సింగర్ రాహుల్ సిప్లిగంజ్, గల్లా సిద్దార్థ్ తో పాటు పలువురు ప్రముఖుల పేర్లు ఉన్నాయి. కానీ ఈ లిస్ట్ లో నిహారిక పేరు లేకపోవడంపై అనుమానాలు వ్యక్తమయ్యాయి. దీనిపై విమర్శలు రావడంతో ఎట్టకేలకు కొత్త లిస్టులో నిహారిక పేరును పోలీసులు చేర్చారు. లిస్ట్ లో నిహారిక పేరు ఉండటంతో మెగా ఫ్యామిలీలో టెన్షన్ నెలకొంది.
