మెగాస్టార్ దూకుడు మాములుగా లేదుగా.. ఒకేసారి నాలుగు సినిమాలకు గ్రీన్ సిగ్నల్

by Kavitha |
మెగాస్టార్ దూకుడు మాములుగా లేదుగా.. ఒకేసారి నాలుగు సినిమాలకు గ్రీన్ సిగ్నల్
X

దిశ, సినిమా: గ్లోబల్ స్టార్ రామ్ చరణ్ గురించి ప్రత్యేకంగా చెప్పాల్సిన పనిలేదు. ప్రస్తుతం గేమ్ ఛేంజర్ సినిమాతో బిజీగా ఉన్న విషయం తెలిసిందే. ఇక తాజాగా ఫాదర్స్ డే సందర్భంగా ఓ ప్రత్యేక ఇంటర్వ్యూ ఇచ్చిన ఈ స్టార్ హీరో రామ్ చరణ్ మెగాస్టార్ చిరంజీవి నాలుగు ప్రాజెక్టులకు సంతకం చేసినట్లు వెల్లడించారు.

ఆయన నాలుగు ప్రాజెక్టులకు సంతకం చేశారని, తాను ఒకటి రెండు సినిమాలు మాత్రమే చేస్తున్నానని చరణ్ తెలిపారు.అయితే ఆ నాలుగు ప్రాజెక్ట్ లేమిటో చరణ్ వెల్లడించలేదు. ప్రస్తుతం మెగాస్టార్ వశిష్ట దర్శకత్వంలో తెరకెక్కుతున్న ఫాంటసీ యాక్షన్ డ్రామా విశ్వంభర సినిమాతో బిజీగా ఉన్నారు. గాడ్ ఫాదర్, తని ఒరువన్ దర్శకుడు మోహన్ రాజాతో కలిసి చిరంజీవి పనిచేయనున్నారు. సర్దార్ దర్శకుడు పి.ఎస్.మిత్రన్ చిరంజీవితో సినిమా చేస్తాడని కూడా వార్తలు వచ్చాయి.

మరి లెజెండరీ యాక్టర్ మన కోసం ఏం చేస్తాడో చూడాలి. భోళా శంకర్ తర్వాత చిరంజీవి రీమేక్ లకు దూరంగా ఉండాలని నిర్ణయించుకున్నారు. కొత్తతరం దర్శకులతో పనిచేయడానికి ఆసక్తి చూపిస్తూ పలు స్క్రిప్టులు వింటున్నాడు. ఆగస్టు 22న చిరంజీవి బర్త్ డే సందర్భంగా కొత్త ప్రాజెక్టులపై క్లారిటీ వచ్చే అవకాశం ఉంది.



Next Story

Most Viewed