త్రిషకు మద్దతుగా మెగాస్టార్.. వైరలవుతోన్న పోస్ట్

దిశ, వెబ్‌డెస్క్: టాలీవుడ్ సీనియర్ హీరోయిన్ త్రిషపై తమిళ నటుడు మన్సూర్ అలీఖాన్ చేసిన వివాదాస్పద వ్యాఖ్యలు ఎంతగా వైరల్ అయ్యాయో ప్రత్యేకంగా చెప్పాల్సిన అక్కర్లేదు. ఈ నటుడు చేసిన అసభ్యకర వ్యాఖ్యలపై ఇప్పటికే పలువురు సినీ సెలబ్రిటీలు స్పందించి.. తీవ్రంగా మండిపడ్డారు. ఒక స్టార్ హీరోయిన్‌ గురించి ఇలా మాట్లాడటం సరైంది కాదంటూ మన్సూర్ వ్యాఖ్యలను ఖండించారు. ఈ ఇష్యూపై తాజాగా మెగాస్టార్ చిరంజీవి స్పందించి.. ‘‘త్రిషపై నటుడు మన్సూర్ చేసిన అభ్యంతరకర వ్యాఖ్యలు నా దృష్టికి వచ్చాయి. ఇలాంటివి ఒక ఆర్టిస్ట్‌నే కాదు. ఏ స్త్రీని కూడా అనకూడదు. ఈ విధంగా మాట్లాడటానికి గల కారణం వారి వక్రబుద్ధినే. త్రిషకు మాత్రమే కాదు. ఇలాంటి కామెంట్స్ ఏ అమ్మాయిపై చేసినా.. నేను వారికి నేను అండగా నిలబడతాను. అంటూ మెగాస్టార్ చిరంజీవి ట్వీట్ చేశాడు.