సినిమా థియేటర్‌లో భార్యకు ఊహించని ట్విస్ట్ ఇచ్చిన భర్త.. మధ్యలోనే సైలెంట్‌గా..

by Disha Web Desk |
సినిమా థియేటర్‌లో భార్యకు ఊహించని ట్విస్ట్ ఇచ్చిన భర్త.. మధ్యలోనే సైలెంట్‌గా..
X

దిశ, వెబ్ డెస్క్: సరదాగా ఫ్యామిలీతో కలిసి సినిమాకు వెళ్లాడు. సినిమా చూస్తూ ఎంజాయి చేయాల్సిన భర్త.. భార్యకు ఊహించని ట్విస్ట్ ఇచ్చాడు. మూవీ చూస్తూనే బయటకు వెళ్లి మళ్లీ కనిపించలేదు. బయటకు వెళ్లి వ్యక్తి ఇంక రాలేదని భార్య, పిల్లలు ఎంత వెతికినా ఆచూకీ లేకపోవడంతో భర్త అదృశ్యం అయ్యాడంటూ భార్య పోలీసులకు ఫిర్యాదు చేసింది. ఈ ఘటన విజయవాడలో చోటుచేసుకుంది. పోలీసులు తెలిపిన వివరాల ప్రకారం... భార్గవపేటకు చెందిన పడవల బాలసుబ్రహ్మణ్యం, బేబి దంపతులు. వీరికి ఓ కూతురు ఉంది. అయితే శనివారం భార్య, కూతురితో కలిసి బాలసుబ్రహ్మణ్యం సరదాగా సినిమాకు తీసుకెళ్లాడు. సినిమా చూస్తుండగానే మధ్యలోనే సుబ్రహ్మణ్యం బయటికి వెళ్లాడు.

వాష్‌రూంకు వెళ్లాడనుకున్న భార్య.. అతడి కోసం ఎదురు చూస్తూ కూర్చుంది. అయినా ఎంత సమయం గడిచినా భర్త థియేటర్‌లోకి రాకపోవడంతో చుట్టు పక్కల వెతికింది. ఎక్కడా కనిపించకపోవడంతో ఇంటికి వెళ్లింది. అయితే ఇంట్లోనూ కనిపించని బాలసుబ్రహ్మణ్యం.. తన బట్టలను బ్యాగులో సర్దుకోని వెళ్లిపోయాడు. దీంతో షాక్ తిన్న భార్య భర్త అదృశ్యం అయ్యాడని పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు. అయితే ఇద్దరి మధ్య గొడవలు ఉన్నాయా.. లేక అతడికి మరొకరి సంబంధం ఉన్నదా అన్న కోణంలో విచారణ సాగిస్తున్నారు.



Next Story