ధరణి సమస్యలపై ఎమ్మెల్యే ఫైర్.. రైతుల సమస్యలు పట్టించుకోరా
దిశ, తెలంగాణ బ్యూరో : రాష్ట్రంలో రైతుల పరిస్థితి పెనం మీద నుంచి పొయ్యిలో పడినట్లుగా తయారైందని బీజేపీ ఎమ్మెల్యే రఘునందన్రావు కీలక వ్యాఖ్యలు చేశారు. అసెంబ్లీ సమావేశాలు జీరో హవర్లో ధరణి వెబ్సైట్లో తలెత్తుతున్న సమస్యల వల్ల రైతులు ఎదుర్కొంటున్న ఇబ్బందులనుద్దేశించి ఆయన మాట్లాడారు. తెలంగాణ ప్రభుత్వం రెవెన్యూ చట్టాల్లో ఉన్న లోపాలను సవరించి ధరణిని గొప్పగా ప్రారంభించిందని, అయితే సమస్యలు మాత్రం పరిష్కారం అవ్వకుండా అలాగే ఉన్నాయని ఆయన విమర్శలు చేశారు. రైతుల సమస్యలపై ఏ అధికారిని అడిగినా కలెక్టర్ను కలవాలని సూచిస్తున్నారన్నారు. కలెక్టర్లు.. ఎమ్మెల్యేల ఫోన్కాల్స్కే స్పందించడంలేదని, ఇక సామాన్యులు, రైతులకు ఎక్కడ కలుస్తారని పేర్కొన్నారు.
నేటికీ డిజిటల్సంతకాలు పెండింగ్లోనే ఉన్నాయని ఎమ్మెల్యే తెలిపారు. రాష్ట్ర ప్రభుత్వం మాత్రం ధరణిని చూసి ఎన్నారైలు కూడా సంతోషిస్తున్నారని గొప్పలు చెబుతోందని, ఎన్నారై పోర్టల్లో జీపీ అనే ఆప్షన్పెండింగ్లోనే ఉండటం వల్ల కుటుంబ సభ్యులకు గిఫ్ట్గా ఇద్దామనుకుంటే ఇబ్బందులు తలెత్తుతున్నాయన్నారు. రైతులకు చెందిన ఏదైనా ఒక సర్వే నంబర్‌లో నుంచి కాల్వనో, రోడ్డో వస్తే ఆ సర్వే నంబర్మొత్తాన్ని అధికారులు బ్లాక్చేస్తున్నారని, దీనివల్ల సంబంధిత రైతుకు రైతుబంధు, రైతుబీమా రాకుండా పోతోందని సభ దృష్టికి తీసుకెళ్లారు.
ఈ సమస్యలపై కాల్సెంటర్కు ఫోన్చేసినా వారి నుంచి స్పందన ఉండటం లేదన్నారు. ఇదిలా ఉండగా కేంద్ర ప్రభుత్వం రైతుల కోసం ఫసల్బీమా పథకాన్ని తీసుకొస్తే నేటికీ ప్రీమియం చెల్లించకుండా రాష్ట్రప్రభుత్వం నిర్లక్ష్యం వహిస్తోందన్నారు. అనుకోని విపత్తుల వల్ల రైతులు పంట నష్టపోతే ఫసల్బీమా పథకం ఆదుకుంటుందన్నారు. ఈ ఏడేళ్లలో రైతుల పంట నష్టానికి రాష్ట్రప్రభుత్వం ఎంత ఖర్చు చేసిందో సమాధానం చెప్పాలని అసెంబ్లీ వేదికగా ఎమ్మెల్యే రఘునందన్రావు ప్రశ్నించారు. మొత్తం ఎంత పంట నష్టం జరిగిందో తెలపాలన్నారు. ఇకపోతే 2018 నుంచి రూ.1లక్ష రైతు రుణమాఫీ చేస్తామని సీఎం కేసీఆర్హామీ ఇచ్చారని, ఇప్పటివరకు ఎంతమంది రైతులకు రుణమాఫీ చేశారో సమాధానం చెప్పాలన్నారు.
