తెలుగు వెలుగులు లేవుతల్లి

తెలుగు తల్లి తెలుగు తల్లి,

తెలుగువెలుగులు లేవుతల్లి,

మైలబట్టేనె తెలుగుబాష

మసక భారనె తెలుగు మాట

తెలుగుతల్లని మాటకూడా

తెలుగులోన రాయలేమే !

తెలుగు మల్లెకు తెగులు నేడు

తెలుగు చదువుకు విలువలేదు

పసిడి పంటల పల్లెనొదిలి

గంపెడాశతొ పట్న మొచ్చి,

కోటి ఆశతొ కొలువునడిగితే.

ఆంగ్ల మాద్యం అడుగుతారే !

తెలుగు చదివితె తెలివిలేదా

తెలుగులోన బలములేదా !

తెల్లవానికి తెలుగురాదే !

తెలుగురాని తెల్లవాడు

తెలుగుదేశం ఏలలేదా !

తెలుగు తల్లికి పుట్టిమనము

అమ్మా అని పిలవకుండా

వట్టిపోయిన శవం పేరుతో

మమ్మి అనే పిలుద్దామా !

తెలుగు వారు కలిసినప్పుడు

తెలుగులొ మాట్లాడకుండా

ఆంగ్లములో అరుచుకొనుట

ఎంతవరకు ధర్మము !

తెలుగు తల్లికి అవమానము

పొరుగు భాషలు నేర్చుకో,

తప్పుకాదది గొప్ప మెప్పు,

అమ్మ భాషను మరువకు

తప్పుకాదది పెద్ద ముప్పు

తెలుగు విలువను కానరా

ఓ... తెలుగువాడ.

తెలుగు ఖ్యాతిని చాటరా

నా... తెలుగువాడ.

లింగస్వామి గౌడ్

98488 11828