శరీరంపై కూతురి పేరుతో 667 టాటూస్.. రెండవసారి గిన్నిస్ రికార్డ్ !

దిశ, ఫీచర్స్: వరల్డ్ రికార్డుకోసం పలువురు రకరకాల ప్రయత్నాలు చేస్తుంటారు. కానీ యూకేకు చెందిన ఒక వ్యక్తి చేసిన పని మాత్రం అతన్ని గిన్నిస్ రికార్డుల్లో నిలపడతంతోపాటు ప్రపంచాన్ని ఆశ్యర్య పరిచింది. రీసెంట్‌గా ఈ న్యూస్ సోషల్ మీడియాలో వైరల్ అవుతోంది. ఇంతకీ అతనేం చేశాడంటే.. శరీరంపై తన కూతురు పేరుతో 667 టాటూస్ వేయించుకున్నాడు మార్క్ ఓవెన్ ఎవాన్స్ అనే ఓ వ్యక్తి. ఇప్పటికే 267 సార్లు వీపు వెనుక భాగంపై తన కుమార్తె ‘లూసీ’ పేరుతో 267 టాటూస్ వేయించుకోవడంతో 2017లో గిన్నిస్ బుక్ ఆఫ్ రికార్డు నెలకొల్పాడు. అయితే 2020లో డెడ్రా విజిల్ అనే ఓ 27 ఏళ్ల మహిళ తన పేరును 300 సార్లు శరీరంపై టాటూస్ వేయించుకోవడంతో మార్క్ ఓవెన్ ఎవాన్స్ గిన్నిస్ రికార్డును బ్రేక్ చేసింది. అత్యధిక టాటూస్ వేయించుకున్న మహిళగా రికార్డు క్రియేట్ చేసింది.

తన రికార్డును బ్రేక్ చేసిన మహిళను అధిగమించి, గిన్నిస్ రికార్డును తిరిగి పొందాలని మార్క్ భావిస్తూ వచ్చాడు. అందుకోసం అతను తన కూతురు బర్త్ డే సందర్భంగా మరో వందసార్లు ఆమె పేరుతో టాటూస్ వేయించుకొని అంకితం ఇవ్వాలని నిర్ణయించుకున్నాడు. ఈ విషయాన్ని యూకే రెక్స్‌హామ్‌లోని డెక్స్‌టెరిటీ ఇంక్‌లోని ఇద్దరు ఆర్టిస్టులకు చెప్పాడు.

వారు కేవలం అరగంటలోపే మార్క్ కోరుకున్నట్లు అతని కూతురు లూసీ పేరుతో అతని కాళ్ల వెనుక భాగంపై వంద టాటూస్ పూర్తి చేశారు. వారి టాలెంట్‌ను గుర్తించిన మార్క్ ఓవెన్ ఎవాన్స్ తన తొడలపై కూడా ఇంకా టాటూస్ వేయాలని వారికి సూచించడంతో ఒక గంటలో పూర్తి చేయగలిగారు. మొత్తం రెండు కాళ్లపై 400 టాటూస్ వేశారు. అంతకు ముందు 267 టాటూస్‌కు, రీసెంట్‌గా మరో 400 టాటూస్ ప్లస్ అవడంతో మొత్తం 667 టాటూస్‌తో మార్క్ ఓవెన్ ఎవాన్స్ తన రికార్డును బ్రేక్ చేసిన మహిళను అధిగమిస్తూ, మరోసారి వరల్డ్ గిన్నిస్ రికార్డు నెలకొల్పాడు.