మీ శరీరం ఎప్పుడూ వేడిగా ఉంటుందా.. వామ్మో మీరు ప్రమాదంలో ఉన్నట్లే!
దిశ,వెబ్‌డెస్క్:ప్రస్తుత కాలంలో మారుతున్న ఆహారపు అలవాట్ల వల్ల ఎన్నో అనారోగ్య సమస్యలు వెంటాడుతున్నాయి. ప్రజెంట్ జనరేషన్‌లో ఆరోగ్యం పై దృష్టి పెట్టడం చాలా ముఖ్యమంటున్నారు వైద్యనిపుణులు. లేకపోతే అనారోగ్య సమస్యలతో ఇబ్బంది పడాల్సి ఉంటుంది. ఇది ఇలా ఉంటే కొందరికి శరీరంలో వేడి ఎక్కువగా ఉంటుంది. అంటే శరీర ఉష్ణోగ్రత అనేది కొన్ని సందర్భాల్లో అలా ఉంటే పర్లేదు కానీ అన్ని సమయాల్లో అలా ఉంటే చాలా ప్రమాదకరమని వైద్య నిపుణులు హెచ్చరిస్తున్నారు. శరీర ఉష్ణోగ్రత ప్రతి సీజన్‌లో వేడిగా ఉంటే తప్పకుండా వైద్యున్ని సంప్రదించాలి. శరీరంలో అధిక వేడి అనేది ఏదైనా పెద్ద సమస్యకు సంకేతమని లేదా ఏదైనా అనారోగ్య సమస్యలను విస్మరించి ఉండవచ్చని హెచ్చరిస్తున్నారు. సాధారణంగా వేసవి కాలంలో ఎక్కువ సేపు ఎండలో ఉన్న వ్యక్తుల శరీరం వేడెక్కుతోంది. దీనిని అల్పోష్ణస్థితి అని కూడా పిలుస్తారు.. కానీ ఇది జ్వరం కాదు అని చెబుతున్నారు.
శరీరంలో అధిక వేడి వల్ల వచ్చే అనారోగ్య సమస్యలు..
*థైరాయిడ్ స్థాయి ఎక్కువగా ఉన్న వారి శరీరం కూడా కొద్దిగా వేడిగా ఉండవచ్చు. దానితో పాటు చెమట, విరేచనాలు, ఆందోళన కూడా ఉంటే, దాన్ని తీవ్రంగా పరిగణించి వెంటనే వైద్యుడిని సంప్రదించాలి.
*శరీరంలో T3, T4 పెరుగుదల కారణంగా ఉష్ణోగ్రత పెరుగుతుంది. చిన్న పిల్లలు లేదా వృద్ధులు కూడా ఇలాంటి ఫిర్యాదును కలిగి ఉండవచ్చు.
*స్కూల్ పిల్లలు తరచూ ఎండలో ఆడుకుంటూ ఏసీ లేని గదుల్లో కూర్చుంటారు. అదేవిధంగా, వృద్ధులలో తక్కువ రోగనిరోధక శక్తి కారణంగా, ఉష్ణోగ్రత పెరగడం, తగ్గడం జరుగుతుంది.
*ఉష్ణోగ్రత అకస్మాత్తుగా పెరగడం ప్రారంభిస్తే, అది కూడా ఏదైనా ఇన్ఫెక్షన్ సంకేతం కావచ్చు.
*ఛాతీ లేదా కడుపు ఇన్ఫెక్షన్‌లో తరచుగా తేలికపాటి జ్వరం ఉంటుంది. ఇది సంక్రమణను సూచిస్తుంది. కావున తరచూ ఇలా జరుగుతుంటే వెంటనే వైద్యులను సంప్రదించాలి..
*మీరు ఎక్కువగా పని చేస్తే, కొంత సమయం వరకు ఉష్ణోగ్రత ఎక్కువగా ఉండవచ్చు. వ్యాయామం తర్వాత ఇది తరచుగా జరిగితే, మీరు మీ శరీర సామర్థ్యం కంటే ఎక్కువ పని చేస్తున్నారని అర్థం చేసుకోండి. అప్పుడు సామర్థ్యానికి అనుగుణంగా వ్యాయామం తగ్గించాలి.
*శరీరంలోని అవయవాలలో ఏదో ఒకదానిలో ఉష్ణోగ్రత పెరిగితే, అది ఆ అవయవంలో సంక్రమణకు సంకేతం. ఈ పరిస్థితుల్లో, వెంటనే వైద్యుడిని సంప్రదించడం మంచిది.
