Dishadaily (దిశ): Latest Telugu News https://www.dishadaily.com Latest Telugu Breaking news in digital platforms Sat, 22 Jan 2022 17:32:00 +0000 en-US hourly 1 https://www.dishadaily.com/wp-content/uploads/2020/04/disha-logo-45x45.png Dishadaily (దిశ): Latest Telugu News https://www.dishadaily.com 32 32 తెలంగాణలో రేపటి నుంచి ఆన్ లైన్ క్లాసులు.. సర్కార్ కీలక ఆదేశాలు https://www.dishadaily.com/online-classes-from-monday Sat, 22 Jan 2022 23:12:15 +0000 https://www.dishadaily.com/?p=372036 దిశ, తెలంగాణ బ్యూరో: రాష్ట్రంలో 8, 9, 10వ తరగతి విద్యార్థులకు సోమవారం నుంచి ఆన్​లైన్ ​క్లాసులు నిర్వహించనున్నారు. ఈ మేరకు శనివారం విద్యాశాఖ కీలక నిర్ణయం తీసుకుంది. రాష్ట్రంలో ఒమిక్రాన్​వ్యాప్తి దృష్ట్యా ఈనెల 30వ తేదీ వరకు విద్యాసంస్థలు మూసివేస్తూ అధికారులు నిర్ణయం తీసుకున్నారు. కాగా రాష్ట్రంలోని ప్రభుత్వ, ప్రైవేట్ పాఠశాలల్లోనూ 8 నుంచి 10వ తరగతి వరకు ఆన్​లైన్​తరగతులు నిర్వహించాలని పాఠశాల విద్యాశాఖ డైరెక్టర్ శ్రీదేవసేన ఉత్తర్వులు జారీ చేశారు. కొవిడ్​నేపథ్యంలో టీచింగ్, నాన్​టీచింగ్ స్టాఫ్ ​రొటేషన్​ పద్ధతిన రోజుకు 50 శాతం మందిని మాత్రమే హాజరుకావాలని ఉత్తర్వుల్లో పేర్కొన్నారు.

ఇదిలా ఉండగా 24వ తేదీ నుంచి ఆన్​లైన్​క్లాసుల నిర్వహణకు సంబంధించిన షెడ్యూల్​ను విద్యాశాఖ ప్రకటించాల్సి ఉంది. 7వ తరగతి విద్యార్థులకు నిర్వహించాల్సిన క్లాసులపై విద్యాశాఖ ఎలాంటి క్లారిటీ ఇవ్వలేదు. గతంలో 3వ తరగతి నుంచి 7వ తరగతి వరకు విద్యార్థులకు టీ శాట్​ద్వారా తరగతులు నిర్వహించేవారు. కానీ ఇప్పుడు దానిపై కూడా విద్యాశాఖ స్పష్టతనివ్వలేదు. అయితే వారికి తరగతులు చెప్పేందుకు రికార్డింగ్​సంబంధిత పనులు కొనసాగుతున్నట్లు తెలుస్తోంది.

జేఎన్టీయూలో ఈనెల 30 వరకు ఆన్​లైన్​క్లాసులు

రాష్ట్ర ప్రభుత్వం విద్యాసంస్థలకు ఈనెల 30 వరకు సెలవులు ప్రకటించింది. ఈ నేపథ్యంలో జేఎన్టీయూ పరిధిలోని యూజీ, పీజీ కోర్సులకు చెందిన విద్యార్థులకు ఈనెల 30వ తేదీ వరకు ఆన్ లైన్​లోనే తరగతులు నిర్వహించనున్నట్లు వర్సిటీ రిజిస్ట్రార్​శనివారం ప్రకటించారు. ఉన్నత విద్యామండలి ఆదేశాల మేరకు ఈ నిర్ణయం తీసుకున్నట్లు వారు వెల్లడించారు.

]]>
https://www.dishadaily.com/wp-content/uploads/2020/09/online-classes-3.jpg monday, online clase, Telangna, trending news 2022-01-22 20:46:48 https://www.dishadaily.com/wp-content/uploads/2020/09/online-classes-3.jpg
చిన్న మందులతోనే ఒమిక్రాన్​కు చికిత్సే.. గాంధీ సూపరింటెండెంట్​ ప్రో.డా. రాజారావు ఇంటర్వ్యూ https://www.dishadaily.com/gandhi-hospital-superintendent-raja-rao-interview Sat, 22 Jan 2022 22:21:04 +0000 https://www.dishadaily.com/?p=372126 దిశ, తెలంగాణ బ్యూరో: ‘‘ఒమిక్రాన్​ రోగులు చిన్నపాటి మందులతోనే కోలుకుంటున్నారు. పారాసెట్​మాల్​, మల్టీ విటమిన్​ ట్యాట్లెట్లు నయం చేస్తున్నాయి. హైడోసుతో కూడిన ఎలాంటి యాంటీవైరల్​, స్టెరాయిడ్​ వంటి డ్రగ్స్​ వాడాల్సిన పని లేదు. ఐసీయూ, ఆక్సిజన్​ పేషెంట్లకు కూడా ఇదే ట్రీట్​మెంట్​ వర్తిస్తుంది. సెకండ్​ వేవ్​ లో విచ్చలవిడిగా వినియోగించిన రెమ్​డెస్​విర్​, కాక్​టెయిల్​ వంటి మందులు వాడాల్సిన అవసరం రావడం లేదు. దగ్గు, జలుబు, జ్వరం లక్షణాలను తగ్గించే మందులతో పాటు ప్రశాతంగా విశ్రాంతి తీసుకుంటే వ్యాధి పూర్తిగా తగ్గిపోతుంది. ప్రభుత్వాసుపత్రుల్లో అద్బుతమైన వైద్యం అందుతుంది. అనవసరమైన ఆందోళనతో ప్రైవేట్​ కు వెళ్లి డబ్బులు వృథా చేసుకోవద్దు. సెకండ్​ వేవ్​ సమయంలో ప్రైవేట్​ ఆసుపత్రులు రోగులను నిలువు దొపిడీ చేశాయి. ఇష్టరీతిలో మందులు ప్రయోగించి శరీరాలను గుల్ల చేసేశాయి. గాంధీలో రెండు వేవ్​ లు కలిపి లక్ష మందికి ట్రీట్​ మెంట్ నిర్వహిస్తే కేవలం దాదాపు 5 వేల మందికి మాత్రమే రెమ్​డెసివిర్​ వాడాల్సి వచ్చింది. అది కూడా తీవ్రతను కంట్రోల్​ చేయలేని పరిస్థితుల్లో అత్యవసరం కింద వినియోగించాం. అదే ప్రైవేట్​ లోనైతే ప్రతీ పేషెంట్​ కు రెమ్​డెస్​విర్​ తోనే చికిత్సను షురూ చేసినట్లు సమాచారం ఉన్నది. అప్పట్లో ప్రైవేట్​ చేతులేత్తిన పేషెంట్లను కూడా గాంధీలో కాపాడినం”అని గాంధీ ఆసుపత్రి సూపరింటెండెంట్​ ప్రో డా రాజారావు సూచించారు. ఒమిక్రాన్​ రాష్ట్రంలోకి ఎంటరై సుమారు నెలన్నర రోజుల గడిచిన సందర్భంగా ఆయన కొత్త వేరియంట్ పై ఆయన గమనించిన విషయాలను ‘దిశ’తో పంచుకున్నారు. ఆ వివరాలు ఆయన మాటల్లోనే…

దిశ: ఒమిక్రాన్​ సోకితే ఎన్నో రోజుల్లో కోలుకుంటున్నారు?

డా రాజారావు: ఇండియన్​ కౌన్సిల్ ఆఫ్​ మెడికల్​ రీసెర్చ్​ సూచన మేరకు క్వారంటైన్​ పీరియడ్​ 5 నుంచి 7 రోజులు ఉన్నది. కానీ చాలా మంది మైల్డ్​ సింప్టమ్స్​ ఉన్నోళ్లు 4 నుంచి 5 రోజుల్లోనే కోలుకుంటున్నారు. ఈ సమయం పూర్తైన తర్వాత రెండోసారి నెగెటివ్​ పరీక్షలు అవసరం లేదు. సర్జరీలు అవసరం ఉన్నోళ్లకు కూడా ఇదే వర్తిస్తుంది. టెస్టులకు కోసం మళ్లీ పరుగులు పెట్టకుండా కొవిడ్​ నిబంధనలు పాటిస్తూ బయటకు వెళ్లొచ్చు

.
దిశ: కొత్త వేరియంట్ తీవ్రత లేనప్పుడు టెన్షన్​ ఎందుకు?

డా రాజారావు: ప్రస్తుతం ప్రపంచ వ్యాప్తంగా ఉన్న అధ్యయనాల ప్రకారం యువతకు అసింప్టమాటిక్​, స్వల్పపాటి దగ్గు, జలుబు, జ్వరం వంటి లక్షణాలతో తగ్గిపోతుంది. కానీ వీరి నుంచి దీర్ఘకాలిక రోగులు, గర్భిణీలు, ఇంట్లో ఉండే వృద్ధులకు సోకితే కాస్త ప్రమాదం . దీంతోనే ప్రభుత్వాలు జాగ్రత్తలు తీసుకోవాల్సిందేనని పదే పదే సూచిస్తున్నాయి.

దిశ: దీని ప్రభావం ఎన్ని రోజులు ఉంటుంది?

డా రాజారావు: ప్రస్తుతం ఉన్న పరిస్థితుల ఆధారంగా కేసుల తీవ్రత ఫిబ్రవరిలో ఫీక్​ లోకి వెళ్తాయి. మార్చి నుంచి క్రమంగా తగ్గుముఖం పడుతుందని భావిస్తున్నాం. మరో నెల రోజుల పాటు జాగ్రత్తలు తీసుకుంటే కరోనా బెడత తప్పుతుంది. మళ్లీ మరో కొత్త వేరియంట్ వస్తే తప్పా, కరోనా ప్రభావం ఉండదు. అయితే ఇన్​ఫెక్షన్లు పెరిగిన ఎలాంటి భయాందోళన అవసరం లేదు. ప్రతీ ఒక్కరూ ప్రత్యక్షంగా, పరోక్షంగా దీని భారిన పడే అవకాశం మాత్రం ఉన్నది.

దిశ: గాంధీలో ఐసీయూ , ఆక్సిజన్​పై ఎంత మంది చికిత్స పొందుతున్నారు?

డా: ప్రస్తుతం 163 మంది ఐసీయూ, ఆక్సిజన్​ బెడ్లపై ఉన్నారు. వీరిలోఉస్మానియా, తదితర సర్కార్​, ప్రైవేట్​ ఆసుపత్రుల నుంచి కూడా వచ్చిన వారు ఉన్నారు. వీరెవ్వరూ కొవిడ్ తో సీరియస్​ పరిస్థితుల్లోకి రాలేదు. కిడ్నీ, గుండె, బీపీ, షుగర్​, క్యాన్సర్​తదితర దీర్ఘకాలిక రోగాలకు ఆసుపత్రుల్లో చికిత్స పొందుతున్న సమయంలోనే వైరస్​ ఎటాక్​ చేసింది. వివిధ రకాల అనారోగ్య సమస్యలున్నాయి కావున ఆసుపత్రుల్లో చేరాల్సిన అవసరం వచ్చింది. అయితే వీరికి కొవిడ్​ మందులు ఇవ్వాల్సిన పరిస్థితులు కూడా రావడం లేదు. రెగ్యులర్​గా బాధితులకు ఉన్న దీర్ఘకాలిక రోగాలకు సంబంధించిన మందులను మాత్రమే ఇస్తున్నాం. వీరంతా కోలుకుంటున్నారు.

దిశ: సెకండ్​వేవ్​కి, థర్డ్​ వేవ్​ కి తేడా ఏమిటీ? రోగుల రికవరీ విధానం ఎలా ఉన్నది?

డా: సెకండ్​ వేవ్​ లో ర్యాపిడ్​ స్ప్రెడ్​ లేదు. కానీ ఇన్​ఫెక్షన్లలో మెజార్టీ మందికి సివియారిటీ ఉండేది. కానీ ఈ వేవ్​ లో అలా లేదు. వ్యాప్తి ఎక్కువ, తీవ్రత తక్కువగా ఉన్నది. అంతేగాక ట్రీట్​మెంట్​ ప్రోటోకాల్​ కూడా మారింది. అప్పట్లో యాంటీవైరల్​, స్టెరాయిడ్​ వంటి మందులు కూడా వాడాల్సి వచ్చేది. ఇప్పుడు కేవలం సింప్టమాటిక్​ మాత్రలు సరిపోతున్నాయి. గతంలో క్వారంటైన్​ పీరియడ్​ పది రోజులు ఉండగా, ఇప్పుడు గరిష్టంగా కేవలం 7 రోజులే . బాధితులు కూడా సులువుగా కోలుకుంటున్నారు.

దిశ: కొవిడ్ సేవలో ఎంత మంది వైద్య సిబ్బంది పాల్గొంటున్నారు?

డా రాజారావుః వైద్యులు, నర్సులు, శానిటేషన్ వర్కర్లతో కలిపి సుమారు 700 మంది వరకు ఉంటారు. వీళ్లు మూడు షిప్టుల వారిగా విధులు నిర్వర్తిస్తూ కొవిడ్ రోగులకు సేవలందిస్తున్నారు. ఒక షిప్టు పూర్తికాగానే వారు క్వారంటైన్‌లోకి వెళ్లిపోతున్నారు. వీరందరికి ప్రత్యేక రక్షణ కిట్లు ఇస్తున్నాం. వాళ్లు చాలా నిబద్ధతో పనిచేస్తున్నారు. నేను ప్రతి రోజూ మూడు సార్లు కొవిడ్ రోగుల కౌన్సిలింగ్‌లో పాల్గొంటున్నాను. ప్రతి వార్డుకు వెళ్లి వైద్యసదుపాయాలను తెలుసుకుంటున్నారు. ప్రభుత్వం, వైద్యమంత్రి తీసుకుంటున్న ప్రత్యేక చొరవతోనే కొవిడ్ రోగులకు మెరుగైన వైద్యం అందుతోంది. అదే విధంగా ప్రతి వార్డును ఎప్పటికప్పుడు శానిటేషన్ చేస్తున్నాం. కొవిడ్​, నాన్​కొవిడ్​ కలిపి దాదాపు 3 వేల మందికిపైగా రోగుల సేవల్లో పాల్గొంటున్నాం.

దిశ: ప్రజలకు మీరిచ్చే సూచనలు? సలహాలు?

డా రాజారావుః కరోనా రోగులు భయందోళనకు గురికావొద్దు. మానసికంగా కృంగిపోతే ఇతర సమస్యలతో ఇబ్బంది పడాల్సి వస్తుంది. తెలంగాణ ప్రభుత్వం ఆసుపత్రులతో అద్భుతమైన సౌకర్యం కల్పించింది. రోగులకు ప్రత్యేక చికిత్సను అందిస్తున్నాం. అర్హులంతా వ్యాక్సిన్లు వేసుకోవడంతో పాటు మాస్కులు తప్పనిసరిగా ధరించాలి. ప్రతీ రోజు రోగ నిరోదక శక్తిని పెంచుకునే ఆహారం తీసుకోవాలి. సెకండ్​ వేవ్​ లో దడ పుట్టించిన డెల్టా వేరియంట్ ఇంకా కొనసాగుతున్నందున మరిన్ని రోజులు అప్రమత్తంగా ఉండాల్సిందే.

]]>
https://www.dishadaily.com/wp-content/uploads/2021/06/Gandhi-Hospital.jpg gandhi hospityal, Omicron, supetemt, treatment, trending news 2022-01-22 23:00:25 https://www.dishadaily.com/wp-content/uploads/2021/06/Gandhi-Hospital.jpg
మరోకోణం: యూపీలో తెలంగాణ పాలిటిక్స్! https://www.dishadaily.com/telangana-political-parties-play-key-role-in-up-elections Sat, 22 Jan 2022 18:35:07 +0000 https://www.dishadaily.com/?p=372078 ఉత్తరప్రదేశ్ సహా ఐదు రాష్ట్రాల అసెంబ్లీ ఎన్నికల షెడ్యూలును సెంట్రల్ ఎలక్షన్ కమిషన్ ఇటీవలే విడుదల చేసింది. దేశంలోనే అత్యధికంగా 80 లోక్‌సభ, 403 శాసనసభ స్థానాలను కలిగిన యూపీ పోలింగ్ ఫిబ్రవరి 10న ప్రారంభమై ఏడు దశల్లో కొనసాగి మార్చి 7న ముగియనుంది. ఫలితాలు అదే నెల 10న వెలువడనున్నాయి. ఈ రాష్ట్ర ఫలితాల సరళే ఆ తర్వాత వచ్చే సాధారణ ఎన్నికల్లో కేంద్రంలో ఎవరు అధికారం చేపడతారన్న విషయాన్ని నిర్ణయిస్తుందని గత చరిత్రను విశ్లేషిస్తే మనకు అర్థమవుతుంది. అనగా 2024లో జరిగే లోక్‌సభ ఎన్నికల్లో బీజేపీ నేతృత్వంలోని నేషనల్ డెమోక్రటిక్ అలయెన్స్(ఎన్డీఏ) తన అధికారాన్ని నిలబెట్టుకుంటుందా? కాంగ్రెస్ సారథ్యంలోని యునైటెడ్ పీపుల్స్ అలయెన్స్(యూపీఏ)ది పైచేయి అవుతుందా? లేదంటే మధ్యలో థర్డ్ ఫ్రంట్ ఏర్పడి ఏ మమతనో, అఖిలేశో ప్రధానమంత్రి అవుతారా? అన్నది మాత్రం ఈ యూపీ ఎన్నికల ఫలితాలే డిసైడ్ చేస్తాయి. అందుకే ఇప్పుడు దేశం దృష్టి అంతా ఈ రాష్ట్రం పైనే ఉంది.

యూపీలో మరోసారి గెలవడానికి బీజేపీ తన శాయశక్తులా ప్రయత్నిస్తున్నది. ప్రధాని మోడీ అక్కడ విస్తృతంగా పర్యటిస్తుంటే వ్యూహకర్త అమిత్ షా చాణక్యపాత్ర నిర్వహిస్తున్నారు. యోగి ఆదిత్యనాథ్ సీఎంగా గత ఐదేళ్ల పాలనపై ప్రజల్లో తీవ్ర వ్యతిరేకత వ్యక్తమవడం గమనించి ఆయనను మార్చడానికి మధ్యలో ప్రయత్నాలు జరిగినా చివరకు భవ్య రామమందిర నిర్మాణం సెంటిమెంట్ ప్రధానంగా ప్రచారం నిర్వహించనున్న నేపథ్యంలో ఆ ప్రతిపాదనను విరమించుకున్నారు. పలు ఎక్స్‌ప్రెస్ వేలు సహా అనేక అభివృద్ధి ప్రాజెక్టులకు శంకుస్థాపన చేశారు. డబుల్ ఇంజన్ డెవలప్‌మెంట్ పేరిట ఓటర్లను ఆకర్షించడానికి యోగి సర్కారు నానా తంటాలు పడుతోంది. హామీల వర్షం కురిపిస్తోంది. ఇక, ప్రధాన ప్రతిపక్షంగా ఉన్న సమాజ్‌వాదీ పార్టీ కూడా ఈసారి పకడ్బందీ వ్యూహంతో రంగంలో దిగుతోంది. జాట్ సామాజికవర్గంలో ప్రాబల్యమున్న రాష్ట్రీయ లోక్‌దళ్‌(ఆర్ఎల్డీ)తో పొత్తు కుదుర్చుకుంది. ముస్లిం, బీసీ కార్డు ప్లే చేయబోతున్నది. యోగి పాలనపై ఉన్న ప్రజావ్యతిరేకత, దిగజారిన బహుజన్ సమాజ్ పార్టీ(బీఎస్పీ) ప్రతిష్ట చివరకు తమను గద్దెనెక్కిస్తుందనే నమ్మకంతో ఆ పార్టీ అధినేత అఖిలేశ్ యాదవ్ ఉన్నారు. పోలింగ్ దగ్గర పడుతున్న కొద్దీ బీజేపీ వ్యతిరేక వర్గాల, పార్టీల ఓట్లన్నీ చివరకు తమ వైపునకే పోలరైజ్ కాకతప్పదనే అంచనా వేస్తున్నారు.

ఒంటరిగానే అన్ని స్థానాల్లో పోటీ చేస్తామని ప్రకటించిన మాయావతి నేతృత్వంలోని బీఎస్పీ ఊపు ఈసారి అంతగా కనిపించడంలేదు. ఆ పార్టీకి చెందిన పలువురు ముస్లిం నేతలు ఎస్పీలో చేరడమే కాకుండా దళితుల ఓట్లలో కూడా ఈసారి భారీ చీలిక తప్పదని విశ్లేషకులు అంచనా వేస్తున్నారు. జాతీయపార్టీ అయిన కాంగ్రెస్ ఈ రాష్ట్రంలో క్రమంగా క్షీణించిపోతున్నది. గత ఎన్నికల్లో 114 స్థానాల్లో పోటీ చేసి కేవలం ఏడింటిలోనే గెలిచింది. పలు స్థానాల్లో డిపాజిట్లు కూడా దక్కలేదు. అయితే, ఈసారి తాము ఒంటరిగానే 403 సీట్లలోనూ పోటీ చేస్తామని ఆ పార్టీ నేత ప్రియాంకగాంధీ ప్రకటించారు. పై ఐదు పార్టీలు కాకుండా మిగిలిన చిన్నాచితక పార్టీలు ఏవీ గత ఎన్నికల్లో తమ అస్తిత్వాన్ని నిరూపించుకోలేకపోయాయి.

ఇప్పుడు అసలు విషయానికి వద్దాం. యూపీ ఎన్నికల్లో తెలంగాణకు చెందిన రెండు పార్టీలు కీలకపాత్ర పోషించబోతున్నాయి. తమ పార్టీ అఖిలేశ్ యాదవ్ నాయకత్వంలోని సమాజ్‌వాదీ పార్టీ తరఫున ప్రచారం చేస్తుందని టీఆర్ఎస్ కార్యనిర్వాహక అధ్యక్షుడు, మంత్రి కేటీఆర్ ఆ మధ్య ప్రకటించారు. రాబోయే ఎన్నికల్లో అక్కడ ఎస్పీయే గెలుస్తుందని ట్వీటారు కూడా. మంత్రులు శ్రీనివాస్ యాదవ్, మహమూద్ అలీ తదితరులు టీం కేటీఆర్ పేరిట అక్కడకు వెళ్లి ప్రచారం నిర్వహిస్తారని తెలంగాణ భవన్ వర్గాల భోగట్టా. ఇటీవలే బీహార్ యువనేత, ఆర్జేడీ అధ్యక్షుడు అయిన తేజస్వి యాదవ్ హైదరాబాద్ వచ్చి సీఎం కేసీఆర్‌ను కలిసి మంతనాలు జరిపిన విషయం అందరికీ తెలిసిందే. ములాయం కుటుంబానికి అతిదగ్గరి బంధువు అయిన తేజస్వి అఖిలేశ్ తరఫున మాట్లాడడానికే ఇక్కడికి వచ్చారని మీడియా కోడై కూసింది. యూపీ ఎన్నికల్లో ఎస్పీకి అన్ని రకాలుగా సహాయ సహకారాలు అందించాల్సిందిగా ఆయన కోరారని, గులాబీ బాస్ అందుకు సమ్మతించారని కూడా వార్తలు వెలువడ్డాయి.

ఇక తెలంగాణకు చెందిన మరో ప్రధానపార్టీ, అధికార పార్టీకి మిత్రపక్షం అయిన ఎంఐఎం తాము యూపీలో వంద సీట్లలో పోటీ చేస్తామని ఇప్పటికే ప్రకటించింది. ముస్లిం మైనారిటీలకు ప్రాతినిథ్యం వహించే ఏకైక జాతీయ పార్టీగా ఎదగాలనే లక్ష్యంతో ఆ పార్టీ అధినేత అసదుద్దీన్ ఓవైసీ వ్యూహాలు రచిస్తున్నారు. ఇప్పటికే హైదరాబాద్ నగరంలోని ఏడు అసెంబ్లీ స్థానాలు కాకుండా మహారాష్ట్రలో ఒక ఎంపీ, రెండు ఎమ్మెల్యే సీట్లను, బీహార్‌లో ఐదు ఎమ్మెల్యే సీట్లను ఆ పార్టీ గెలుచుకుంది. జనాభాలో 19శాతంగా ఉన్న ముస్లిం ఓటర్లను ఆకర్షించడం ద్వారా యూపీలోనూ రెండంకెల సంఖ్యలో స్థానాలను సాధించి కింగ్ మేకర్‌గా నిలవాలని అసదుద్దీన్ ఎత్తులు వేస్తున్నారని దారుసలేం వర్గాల సమాచారం. గత రెండు సంవత్సరాల నుంచీ ఆయన యూపీలో విస్తృతంగా పర్యటిస్తున్నారు. ముస్లిం మతపెద్దలను కలుస్తున్నారు. భారీ బహిరంగసభలను సైతం నిర్వహిస్తున్నారు. గత ఎన్నికల్లో 38 సీట్లలో పోటీ చేసి ఒక్క స్థానాన్ని కూడా గెలువలేకపోయినా ఈసారి భారీ ఆశలతో బరిలో దిగుతున్నది.

అయితే, యూపీలో ఎంఐఎం పోటీపై బీజేపీ వ్యతిరేక క్యాంపులో, సెక్యులర్‌వాదుల్లో తీవ్ర ఆగ్రహం వ్యక్తమవుతోంది. ముస్లిం ఓటర్లు అధికంగా ఉన్న వంద స్థానాల్లో ఎంఐఎం పోటీ చేస్తే ఆ వర్గం ఓట్లు చీలి చివరికి బీజేపీకే లాభం కలుగుతుందని వారు విమర్శిస్తున్నారు. ఇప్పటివరకూ ఆ రాష్ట్ర మైనారిటీలు అయితే ఎస్పీకి, లేదంటే బీఎస్పీకే ఓటేస్తూ వస్తున్నారు. ఇప్పుడు వారిలో కొందరు ఎంఐఎంకు వేసిన పక్షంలో ఆ పార్టీల అభ్యర్థులకు నష్టం కలగడం ఖాయమంటున్నారు. బీజేపీ తమ ప్రధాన శత్రువని ప్రకటించే అసద్ ఎస్పీ, బీఎస్పీలతో పొత్తుకు ఎందుకు ప్రయత్నించడం లేదని ప్రశ్నిస్తున్నారు. ఇందులో కమలనాథులకు పరోక్ష ప్రయోజనం కలిగించే కుట్ర దాగివుందని ఆరోపిస్తున్నారు. నిజానికి ఈ ఎన్నికల్లో ఎంఐఎం బీజేపీకి బీ టీంగా వ్యవహరించబోతోందని వ్యాఖ్యానిస్తున్నారు.

ఆసక్తికరమైన విషయం ఏమిటంటే సీనియర్ ఓవైసీ వ్యక్తిగతంగా కేసీఆర్‌కు ఆప్తుడు. చిరకాల మిత్రుడు. ఆ విషయాన్ని ఇద్దరు నేతలూ పలు సందర్భాల్లో మీడియాతో పంచుకున్న మాట వాస్తవం. తెలంగాణ వచ్చినప్పటి నుంచీ టీఆర్ఎస్, ఎంఐఎంలు మిత్రపక్షాలుగానే కొనసాగుతున్నాయి. అప్పుడప్పుడు జూనియర్ ఓవైసీ అసెంబ్లీలో అధికార పార్టీపై వ్యంగ్యాస్త్రాలు సంధించడం మినహా రెండు పార్టీల మధ్య ఏ సందర్భంలోనూ ఘర్షణ వాతావరణం ఏర్పడలేదు. అలాంటప్పుడు కేంద్రంపై, బీజేపీపై ఇక యుద్ధమేనని బహిరంగంగా ప్రకటించిన కేసీఆర్.. తన మిత్రుడు అసద్‌ను ఎస్పీకి అనుకూల వైఖరి తీసుకునేలా ఎందుకు ఒప్పించడం లేదు? ఆ రెండు పార్టీల మధ్య ఎన్నికల పొత్తు కుదర్చడానికి ఎందుకు చొరవ చేయడం లేదు? అలా చేస్తే తాను భావిస్తున్నట్లుగా బీజేపీపై పగ సాధించడమే కాకుండా వచ్చే సాధారణ ఎన్నికల్లో కేంద్రంలో థర్డ్ ఫ్రంట్‌ను అధికారంలోకి తేవడం ఈజీ అవుతుంది కదా.. ఈ వ్యూహాన్ని టీఆర్ఎస్ అధినేత ఎందుకు అనుసరించడం లేదు? ఇవన్నీ విశ్లేషకులకు అంతుబట్టని ప్రశ్నలుగా మిగిలిపోతున్నాయి.

నిజానికి కేసీఆర్ రెండు పడవల్లో రెండు కాళ్లు పెట్టి ప్రయాణించే వైఖరిని అనుసరిస్తున్నారన్న వాదన ఒకటి ఉంది. ఓ వైపు ఎస్పీకి సహకరించడం ద్వారా థర్డ్ ఫ్రంట్‌లో భాగస్వామ్యం కావడానికి ప్రయత్నిస్తూనే, మరోవైపు అవసరమైన పక్షంలో బీజేపీతో సైతం చేతులు కలుపడానికి ముందస్తు బాటలు వేసుకుంటున్నారు. రేపటి ఎన్నికల్లో ఎంఐఎం పోటీ చేసే వంద స్థానాల్లో ముస్లిం ఓట్ల చీలిక మూలంగా ఎస్పీ లేదా బీఎస్పీ అభ్యర్థులు ఓడిపోయి కమలనాథులు అక్కడ అధికారం చేపడితే ఆ క్రెడిట్ తనదేనని చెప్పుకునే పరిస్థితిని కల్పించుకుంటున్నారు. ఆ వంద స్థానాల్లో ఎంఐఎం గట్టి పోటీ ఇవ్వడానికి అవసరమైన ఆర్థిక సహకారం టీఆర్ఎస్ అధినేత అందజేస్తారన్న టాక్ ఢిల్లీ వర్గాల్లో వినపడుతోంది కూడా.

ఈ ద్వంద్వ వైఖరి నిజంగానే కేసీఆర్‌కు లాభిస్తుందా? 2024 లోక్‌సభ ఎన్నికల ఫలితాల అనంతరం కేంద్రంలో ఆయనే చక్రం తిప్పనున్నారా? తనయుడు కేటీఆర్‌కు ఇక్కడ ముఖ్యమంత్రి కుర్చీ అప్పగించి తను అయితే థర్డ్ ఫ్రంట్ లేదంటే ఎన్డీయేతో అవగాహనకు వచ్చి ఢిల్లీ రాజకీయాల్లో బిజీ కానున్నారా? రాష్ట్ర స్థాయిలో బీజేపీ, కాంగ్రెస్‌లకు సమదూరం పాటిస్తూ అసెంబ్లీ ఎన్నికల అనంతరం తమకు మెజారిటీ రానిపక్షంలో ఏదో ఒక పార్టీ తనకు మద్దతు ఇచ్చే పరిస్థితి తెచ్చుకుంటున్నట్లే.. కేంద్ర స్థాయిలో కూడా అలాగే చేయనున్నారా? మోడీ, రాహుల్, మమత లేదా మరొకరు.. ఎవరు ప్రభుత్వం ఏర్పరచినా అందులో టీఆర్ఎస్‌కు భాగస్వామ్యం ఉండనుందా? ఎట్టకేలకు కేటీఆర్‌కు సీఎం యోగం పట్టనుందా?
ఏం జరగనుంది?

డి మార్కండేయ

]]>
https://www.dishadaily.com/wp-content/uploads/2022/01/akhi.gif bjp, cm KCR, MIM, modi, sp, top stories, trending news, UP elections 2022-01-22 22:12:46 https://www.dishadaily.com/wp-content/uploads/2022/01/akhi.gif
సెక్యూరిటీ గార్డు ఘనకార్యం.. వచ్చి వెళ్లే మహిళలకు అశ్లీల వీడియోలు https://www.dishadaily.com/security-guard-sending-obscene-videos-to-women Sat, 22 Jan 2022 17:32:00 +0000 https://www.dishadaily.com/?p=372131 దిశ, కూకట్​పల్లి: కేపీహెచ్​బీ పోలీస్​ స్టేషన్​ పరిధిలోని ఇందు ఫార్చూన్​ ఫీల్డ్స్​ ది అనెక్స్​ అపార్టుమెంట్​ వద్ద సెక్యూరిటీ గార్డుగా పని చేస్తున్న పవన్​ దాస్​ అపార్టుమెంట్​కు వచ్చి వెళ్లే వారు రిజిస్టర్​లో నమోదు చేసే ఫోన్​ నెంబర్​లను తీసుకుని వారికి అశ్లీల వీడియోలు పంపుతూ వేధింపులకు గురి చేస్తున్నారు. శుక్రవారం సాయంత్రం అపార్టుమెంట్​కు వచ్చిన అర్బన్​ క్లాప్​ సర్వీస్​ సంస్థకు చెందిన ఉద్యోగినికి సంబంధించిన ఫోన్​ నెంబర్​ తీసుకుని అసభ్యకరమైన అశ్లీల వీడియోలు ఫార్వర్డ్​ చేయడంతో సదరు మహిళ తన సన్నిహితుల ద్వారా పవన్​ దాస్​ను పట్టుకొని దేహశుద్ధి చేసి కేపీహెచ్​బీ పోలీసులకు అప్పగించారు. బాధితురాలు ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.

]]>
https://www.dishadaily.com/wp-content/uploads/2022/01/securty-gard.jpg apartment, employee, KPHB Police Station, phone number, Security Guard, sending pornographic, videos 2022-01-22 23:02:00 https://www.dishadaily.com/wp-content/uploads/2022/01/securty-gard.jpg
మిర్యాలగూడలో దారుణం.. మద్యం మత్తులో భార్యను హత్య చేసిన భర్త.. https://www.dishadaily.com/husband-kills-wife-under-the-influence-of-alcohol Sat, 22 Jan 2022 17:25:38 +0000 https://www.dishadaily.com/?p=372128 దిశ, మిర్యాలగూడ: కుటుంబ కలహాలు, ఆస్తి తగాదాలా నేపథ్యంలో భార్యను గొంతు నులుమి హత్య చేసిన సంఘటన శనివారం రాత్రి మిర్యాలగూడలో జరిగింది. వన్ టౌన్ సీఐ మండవ శ్రీనివాసు తెలిపిన వివరాల ప్రకారం.. పట్టణంలోని మేదరిబజార్‌కు చెందిన మిడతపల్లి దీపక్, స్రవంతి దంపతులు. శనివారం రాత్రి దంపతులిద్దరూ ఘర్షణ పడగా, మద్యం మత్తులో ఉన్న భర్త దీపక్ భార్యను కొట్టి గాయపర్చి గొంతు నులుమి హత్య చేశాడు. వీరికి ఐదేళ్ల వయసున్న కుమారుడు ఉన్నాడు. ఈ మేరకు కేసు నమోదు చేసి దర్యాప్తు చేస్తున్నట్లు పోలీస్‌లు పేర్కొన్నారు. సంఘటన స్థలాన్ని డీఎస్పీ పరీశీలించారు.

]]>
https://www.dishadaily.com/wp-content/uploads/2022/01/died-11.jpg CI Srinivas, husband, influence alcohol, Kills, miryalaguda, Wife 2022-01-22 22:59:28 https://www.dishadaily.com/wp-content/uploads/2022/01/died-11.jpg
యూపీలో ఇద్దరు ముఖ్యమంత్రులు.. అసనుద్దీన్ ఓవైసీ కీలక ప్రకటన https://www.dishadaily.com/asaduddin-owaisi-announces-new-front-proposes-2-chief-ministers-for-up Sat, 22 Jan 2022 17:21:39 +0000 https://www.dishadaily.com/?p=372115 లక్నో: ఆల్ ఇండియా మజ్లిస్-ఇ-ఇత్తెహాదుల్ ముస్లిమీన్(ఏఐఎంఐఎం) అధ్యక్షుడు అసనుద్దీన్ ఒవైసీ కీలక ప్రకటన చేశారు. రాబోయే ఎన్నికల్లో పోటీకి బాబు సింగ్ కుశ్వాహ, భారత్ ముక్తీ మోర్చాలతో పొత్తు పెట్టుకున్నట్లు శనివారం ప్రకటించారు. ‘ఒక వేళ మా కూటమి అధికారంలోకి వస్తే ఇద్దరు ముఖ్యమంత్రులు ఉంటారని అన్నారు. వీరిలో ఒకరు ఓబీసీ, మరొకరు దళిత వర్గం నుంచి తీసుకుంటామని తెలిపారు. దీంతో పాటు ముస్లిం అభ్యర్థితో సహా ముగ్గురు డిప్యూటీ ముఖ్యమంత్రులు కూడా ఉంటారని మీడియా సమావేశంలో తెలిపారు. 100 స్థానాల్లో పోటీ చేసేందుకు సిద్ధంగా ఉన్నామని చెప్పారు. కూటమి ఏర్పడటానికి ఎటువంటి బలవంతం లేదని బాబు సింగ్ కుశ్వాహ అన్నారు. దళితుల కోసం, వెనుకబడిన తరగతులు, మైనార్టీల కోసం చాలా కాలంగా పనిచేస్తున్నామని నొక్కి చెప్పారు. వచ్చే నెల ఫిబ్రవరి 10 నుంచి ఏడు దశల్లో యూపీ 403 స్థానాలకు ఎన్నికలు జరగనున్నాయి.

]]>
https://www.dishadaily.com/wp-content/uploads/2022/01/asaduddin-owaisi.jpg 2 Chief Ministers, aimim, Asaduddin Owaisi, assembly elections, Babu Singh Kushwaha, Bharat Mukti Morcha, New Front, trending news, up 2022-01-22 22:51:39 https://www.dishadaily.com/wp-content/uploads/2022/01/asaduddin-owaisi.jpg
మణిపూర్‌లో కాంగ్రెస్ అభ్యర్థుల జాబితా విడుదల.. 40 మందికి చోటు https://www.dishadaily.com/manipur-assembly-polls-2022-congress-releases-first-list-of-40-candidates Sat, 22 Jan 2022 17:19:08 +0000 https://www.dishadaily.com/?p=372124 ఇంఫాల్ : మణిపూర్‌లో బరిలోకి దిగేందుకు కాంగ్రెస్ అభ్యర్థుల మొదటి విడుత జాబితాను ప్రకటించింది. ఈ నేపథ్యంలో శనివారం 40 మందితో కూడిన జాబితాను విడుదల చేసింది. వీరిలో మాజీ ముఖ్యమంత్రి ఒక్రాం ఇబోబి సింగ్‌కు తౌబల్ స్థానాన్ని కేటాయించింది.

అలాగే మాజీ డిప్యూటీ సీఎం గైకాంగం‌కు నుంగ్బా స్థానం, మాజీ అసెంబ్లీ స్పీకర్ తోక్చోమ్ లోకేశ్వర్ సింగ్‌కు ఖుంద్రాక్పం అసెంబ్లీ స్థానాన్ని కేటాయించింది. ఇక పార్టీ వర్కింగ్ ప్రెసిడెంట్ రతన్ కుమార్ సింగ్ మాయంగ్ ఇంఫాల్ నుంచి బరిలోకి దిగనున్నారు. 60 అసెంబ్లీ స్థానాలున్న మణిపూర్ రాష్ట్రంలో వచ్చే నెల 27, మార్చి 3న రెండు విడుతల్లో ఎన్నికలు జరుగనున్నాయి.

]]>
https://www.dishadaily.com/wp-content/uploads/2022/01/Congress11-1.jpg 40 candidates, assembly polls, congress, First list, imphal, manipur 2022-01-22 22:49:08 https://www.dishadaily.com/wp-content/uploads/2022/01/Congress11-1.jpg
ఉదయం ఆటో నడపడం..రాత్రయితే ఆ పని చేయడం పోలీసుల.. ఎంట్రీతో సీన్ రివర్స్ https://www.dishadaily.com/police-have-arrested-three-people-for-committing-thefts Sat, 22 Jan 2022 17:14:38 +0000 https://www.dishadaily.com/?p=372117 దిశ, మేడిపల్లి: వారు నడిపేది ఆటో.. కానీ ఆదాయం పొందేది ఇండ్లళ్లో..! అదేంటి అని ఆశ్చర్యపోకండి. వారు ఆటో మీద పని చేస్తున్నా.. ఖాళీ ఇండ్లపై కన్నేసి సులువుగా ఆదాయం పొందుతున్నారు. మేడిపల్లి పోలీస్ స్టేషన్ పరిధిలో ఫిర్యాదులు వెల్లువెత్తడంతో పోలీసులు చాకచక్యంగా వ్యవహరించి ముగ్గురిని అదుపులోకి తీసుకున్నారు. మల్కాజిగిరి ఏసీపీ ఎన్.శ్యామ్ ప్రసాద్ తెలిపిన వివరాల ప్రకారం.. మహబూబాబాద్ జిల్లా నడివాడ గ్రామానికి చెందిన మొహమ్మద్ ఇమామ్ (20), బధవత్ గాంధీ (20), పరిటాల నాగరాజు(26) కొంతకాలంగా ఉప్పల్, ఘట్కేసర్ ప్రాంతంలో నివాసం ఏర్పాటు చేసుకొని ఉప్పల్ ప్రాంతంలో ఆటో నడుపుతూ జీవిస్తున్నారు.

సులువుగా డబ్బులు పొందాలనే ఉద్దేశంతో మేడిపల్లి, ఉప్పల్, ఘట్కేసర్ ప్రాంత పలు కాలనీలలో ఇంటి తాళాలు పగలగొట్టి మొత్తం 12 దొంగతనాలకు పాల్పడ్డారు. శనివారం మేడిపల్లి పోలీసులు ముగ్గురు అనమానాస్పదంగా ఉండటాన్ని గమనించి పట్టుకున్నారు. వారినుంచి 80 గ్రాముల బంగారు నగలు, 700 గ్రాముల వెండి వస్తువులు, 20వేల నగదు, ఆటోను స్వాధీన పర్చుకొని రిమాండ్‌కి తరలించారు. దొంగలను పట్టుకోవడంలో చాకచక్యంగా వ్యవహరించిన మాక్బుల్ జానీ, ఎస్సై లక్ష్మణ్, ఏఎస్సై మల్లేష్, కానిస్టేబుల్స్ నాగేందర్, సునీల్, రాజేష్, సాయి దీప్, రాజేష్, హరిలను మల్కాజిగిరి ఏసీపీ ఎన్. శ్యామ్ ప్రసాద్ రావ్, మేడిపల్లి సీఐ జి.గోవర్ధన గిరి అభినందించారు.

]]>
https://www.dishadaily.com/wp-content/uploads/2022/01/theft-4.jpg ACP shaym prasad, arrested, Ghatkesar, mahabubabad, police, Thefts, Three People, Uppal 2022-01-22 22:44:38 https://www.dishadaily.com/wp-content/uploads/2022/01/theft-4.jpg
మిస్టరీ డెత్: నుదుటిపై కుంకుమ బొట్టు.. కూతురుతో సహా దంపతులు మృతి https://www.dishadaily.com/the-couple-including-the-daughter-died Sat, 22 Jan 2022 17:14:01 +0000 https://www.dishadaily.com/?p=372095 దిశ, అమీన్ పూర్: సంగారెడ్డి జిల్లా వందనపురి కాలనీలో  ఏడేండ్ల కూతురుతో సహా మరణించిన శ్రీకాంత్ గౌడ్ దంపతుల మరణాలపై విచారణ కొనసాగుతున్నది. ఈ మరణాలపై  ఇంకా పూర్తి స్పష్టత రాలేదు. గృహ నిర్మాణం కోసం బజాజ్ ఫైనాన్స్ ద్వారా తీసుకున్న లోన్ చెల్లింపు విషయంలో ఇబ్బందులు ఎదురవడంతోనే కుటుంబం ఆత్మహత్య చేసుకుందనే ప్రాథమిక అంచనాకు పోలీసులు వచ్చినట్లు తెలుస్తోంది. గత మూడు నెలలుగా బజాజ్ ఫైనాన్స్ ద్వారా తీసుకున్న గృహ ఋణ వాయిదాలు సక్రమంగా చెల్లించకపోవడంతో పాటు నెల క్రితం బజాజ్ ఫైనాన్స్ కు మృతుడు మెయిల్ ద్వారా ఋణ చెల్లింపు గురించి కాస్త సమయం అడిగినట్లు పోలీస్ విచారణలో తేలింది.

ఇద్దరు ఉన్నత విద్యావంతులు కావడం, ఉన్నత ఉద్యోగాలు చేస్తుండడంతో కేవలం గృహ రుణం  విషయం ఆత్మహత్య చేసుకునేంత పెద్ద సమస్య ఎలా అవుతుందని పలువురు కాలనీ వాసులు చర్చించుకుంటున్నారు. వాళ్ళు నివసిస్తున్న ఇంటి విలువ సుమారు కోటి రూపాయల పైన ధర పలుకుతుందని, కేవలం 41 లక్షల ఋణం కోసం కుటుంబం అంత మరణించే అంత కఠిన నిర్ణయం తీసుకోకపోవచ్చు అని పలువురు అభిప్రాయపడుతున్నారు. మరణించే ముందు ఇద్దరి ఫోన్ లలో పూర్తి డేటా ని తొలగించడం, ఇంట్లో దేవుని పటాలను బోర్లించి, నుదుటి పైన పెద్ద కుంకుమ బొట్లు ఉండడం తో వీరి మరణం పై ఇంకా మిస్టరీ కొనసాగుతుంది. ఇంకా లోతుగా పోలీస్ విచారణ కొనసాగుతోంది త్వరలో వీరి మరణం పై స్పష్టత వచ్చే అవకాశం ఉంది.

]]>
https://www.dishadaily.com/wp-content/uploads/2022/01/mistry-death.jpg couple, daughter, Death, family death, Financial difficulties, mastery, sangareddy district, Vandanpuri Colony 2022-01-22 22:44:01 https://www.dishadaily.com/wp-content/uploads/2022/01/mistry-death.jpg
హెడ్‌నర్సు ఆత్మహత్య.. గచ్చిబౌలిలో కలకలం https://www.dishadaily.com/head-nurse-commits-suicide-within-gachibowli-police-station Sat, 22 Jan 2022 17:02:01 +0000 https://www.dishadaily.com/?p=372103 దిశ, శేరిలింగంపల్లి: ఏఐజీ ఆస్పత్రిలో హెడ్‌నర్సుగా పని చేస్తున్న యువతి ఆత్మహత్యకు పాల్పడిన ఘటన గచ్చిబౌలి పోలీసు స్టేషన్ పరిధిలో చోటుచేసుకుంది. పోలీసుల వివరాల ప్రకారం. ఆంధ్రప్రదేశ్ కాకినాడ కచేరిపేటకు చెందిన కుమారి రజని(27) గచ్చిబౌలిలోని ఏఐజీ ఆస్పత్రిలో హెడ్ నర్సుగా విధులు నిర్వహిస్తోంది. శుక్రవారం రాత్రి కొండాపూర్‌లోని తన ఇంట్లో ఫ్యాన్‌కు చున్నీతో ఉరి వేసుకొని ఆత్మహత్యకు పాల్పడింది. వ్యక్తిగత సమస్యల వల్లే రజని ఆత్మహత్యకు పాల్పడి ఉండవచ్చని పోలీసులు ప్రాథమిక అంచనాకు వచ్చారు. మృతదేహాన్ని పోస్ట్‌మార్టం నిమిత్తం ఉస్మానియా ఆస్పత్రికి తరలించారు. మృతురాలి సోదరుడు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు గచ్చిబౌలి పోలీసులు తెలిపారు. ఆత్మహత్యకు సంబంధించిన పూర్తి వివరాలు తెలియాల్సి ఉంది.

]]>
https://www.dishadaily.com/wp-content/uploads/2022/01/Head-nurse-suicide.jpg AIG hospital, gachibowli, Gachibowli police, Head nurse suicide, kakinada 2022-01-22 22:33:09 https://www.dishadaily.com/wp-content/uploads/2022/01/Head-nurse-suicide.jpg