‘సబ్సిడీ ఉన్నా.. ఆ వాహనాలను భరించలేం’
దిశ, వెబ్‌డెస్క్: భారత్‌లో ఎలక్ట్రిక్ వాహనాలను ప్రోత్సహించేందుకు ఉద్దేశించిన ఫేమ్ 2 పథకం దేశీయంగా ఈ రంగంలో పెట్టుబడులను ఆకర్షించడంలో సహాయపడిందని ప్రముఖ ఎలక్ట్రిక్ వాహన తయారీ సంస్థ ఆథర్ ఎనర్జీ సీఈఓ తరుణ్ మెహతా చెప్పారు. రానున్న రోజుల్లో ఈ రంగం అభివృద్ధి కోసం ఈ పథకాన్ని మరో మూడు, నాలుగు సంవత్సరాల పాటు పొడిగించాల్సిన అవసరం ఉందని ఆయన పేర్కొన్నారు. ఫేమ్ 2 పథకానికి సంబంధించి సబ్సీటీ ఉన్నప్పటికీ ముందస్తు షరతులు, అర్హత ప్రమాణాలు ఎలక్ట్రిక్ టూ-వీలర్ వాహనాలను క్షేత్ర స్థాయి మార్కెట్లోని వినియోగదారులు భరించలేనివిగా ఉన్నాయని ఇటీవల ఎలక్ట్రిక్ వాహన పరిశ్రమ వర్గాలు పేర్కొంటున్నాయి. ఈ అంశాలను సమర్థించిన తరుణ్ మెహతా..ఫేమ్ 2 లక్ష్యం కేవలం డిమాండ్ సృష్టించడం కాదు. ఇది వాస్తవానికి సరైన ఉత్పత్తిని సృష్టించడం. ఇది వినియోగదారుల కోసం కొత్త ఉత్పత్తిని నిర్మించేందుకు ఎలక్ట్రిక్ వాహనాల పరిశ్రమను పునర్నిర్మించేందుకు సహాయపడుతుంది. అందుకోసం దీన్ని మరో మూడు లేదా నాలుగు సంవత్సరాలు అవసరమని’ వెల్లడించారు.
