- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- లోక్సభ ఎన్నికలు-2024
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- IPL2024
- ఐసీసీ T20 వరల్డ్ కప్-2024
దిశ, ఫీచర్స్ : మన భావోద్వేగాల్ని అవతలి వ్యక్తికి ఈజీగా తెలియజేసేందుకు ‘ఎమోజీ’లను ఉపయోగిస్తుంటాం. సోషల్ మీడియాలో ‘ఎమోజీ’లను ఉపయోగించకుండా చాట్ చేయని వారుండరంటే అతిశయోక్తి కాదేమో. మన ఎమోషన్లో భాగమైపోయిన ఆ ఎమోజీలతో ప్రస్తుతం ఓ కొత్తరకం చాలెంజ్ తెరమీదకు వచ్చింది. నూతనత్వంతో పాటు సృజనాత్మకతను చాటుకునేందుకు ‘ఎమోజీ మేకప్ చాలెంజ్’ నెటిజన్లకు సవాల్ విసరడంతో ఈ ట్రెండ్ వైరల్ అయింది. మరి ఎవరి ముఖాల్లో ఏయే ఎమోజీ ఎలా ఒదిగిపోయింది, చాలెంజ్లో భాగంగా నెటిజన్లు ఏం చేస్తున్నారో తెలుసుకుందాం.
‘ఎమోజీ మేకప్ చాలెంజ్’లో పాల్గొనే నెటిజన్లు తమ కళాత్మకతకు సృజనాత్మకతను జోడించి భిన్నంగా ముస్తాబవుతూ.. ఇతరులకు సవాల్ విసురుతున్నారు. చాలెంజ్లో భాగంగా కొన్ని ఎమోటికాన్లను ఎన్నుకుంటున్న నెటిజన్లు.. వాటికి తమ ఊహను జోడిస్తూ, భావం చెడిపోకుండా భిన్నమైన మేకప్లు ప్రయత్నిస్తున్నారు. ఈ క్రమంలోనే బనానా నుంచి పుచ్చకాయ వరకు, సముద్రపు తరంగాల నుంచి జాలువారే జలపాతం వరకు, భయపెట్టే రాక్షస ముఖాలు, క్రూరమైన జంతువులు, సూపర్ హీరోల చిత్రాలను తమ ముఖంపై తీర్చిదిద్దుతూ అలంకరణ నైపుణ్యాలను చాటుకుంటున్నారు. కొందరు సరళమైన, సహజమైన రంగులను ఎంచుకుంటుండగా, మరికొందరు వారి మేకప్ నైపుణ్యాలను వేరే స్థాయికి తీసుకువెళ్లేందుకు ప్రయత్నిస్తున్నారు. ఇప్పటికే ఎంతోమంది నెటిజన్లు ఈ మేకప్ చాలెంజ్లో భాగంకాగా, ఎమోజీ చాలెంజ్(#Emojichallenge), ఎమోజీ మేకప్(#emojimakeup ) హ్యాష్ట్యాగ్లతో తమ ఫొటోలను, వీడియోలను సోషల్ మీడియా అకౌంట్లలో పంచుకుంటున్నారు. ఎమోజీ మేకప్ చాలెంజ్లో భాగంగా ‘కప్కేక్ లుక్ ఎమోజీ, బనానా ఎమోజీ, లీవ్స్, గ్లోయింగ్ హార్ట్, స్కై, రెయిన్బో, పార్టీ పాపర్, బటర్ ఫ్లై, బ్యాట్, ఆక్టోపస్.. వంటి రకరకాల ఎమోజీ లుక్స్ ట్రై చేస్తున్నారు.