హోల్ సేల్ కాంప్లెక్స్ లో టాస్క్ ఫోర్స్ దాడులు

by Sridhar Babu |
హోల్ సేల్ కాంప్లెక్స్ లో టాస్క్ ఫోర్స్ దాడులు
X

దిశ,గీసుగొండ : వరంగల్ మహానగర పాలక సంస్థ 16వ డివిజన్ ధర్మారం హోల్ సేల్ కాంప్లెక్స్ లోని దుకాణాలపై టాస్క్ ఫోర్స్ పోలీసులు దాడి చేసి అక్రమంగా నిల్వచేసిన గుట్కా ఉత్పత్తులను సీజ్ చేశారు. టాస్క్ ఫోర్స్ సీఐ కె. శ్రీధర్ తెలిపిన వివరాల ప్రకారం... టాస్క్ ఫోర్స్ ఏసీపీ ఎ.మధుసూదన్ ఆదేశాల మేరకు గీసుగొండ పోలీస్ స్టేషన్ ధర్మారం హోల్ సేల్ కమర్షియల్ కాంప్లెక్స్ లోని దుకాణాలపై దాడి చేసి తనిఖీలు చేయగా పలు దుకాణాలలో గుట్కా ప్యాకెట్లు అక్రమంగా నిల్వ చేసి సప్లై చేస్తున్న నలుగురుని, వాటిని విక్రయిస్తున్న ఎనిమిది మందిని పట్టుకొని సుమారు రూ 3,85,000 విలువచేసే గుట్కా ప్యాకెట్లను సీజ్ చేసినట్లు తెలిపారు. తదుపరి విచారణకై వారిని గీసుగొండ పోలీసులకు అప్పగించినట్లు టాస్క్ ఫోర్స్ సీఐ తెలిపారు.

Advertisement

Next Story