హాస్టల్ కి వెళ్లడం ఇష్టం లేకే అలా చేసిందా..

by Disha Web Desk 20 |
హాస్టల్ కి వెళ్లడం ఇష్టం లేకే అలా చేసిందా..
X

దిశ, కాసిపేట : మండలంలోని గుండ్లపహాడ్ గ్రామానికి చెందిన పెంద్రం అంకిత (16) ఉరివేసుకొని ఆత్మహత్య చేసుకొంది. వివరాల్లోకెళితే మండలంలోని గుండ్లపహాడ్ గ్రామానికి చెందిన పెంద్రం కిషన్ పెద్దకూతరు పెంద్రం అంకిత ఆసిఫాబాద్ లోని ఎస్టీ గిరిజన ఆశ్రమ పాఠశాలలో 9వ తరగతి చదువుతుంది. సంక్రాంతి సెలవులకు ఇంటికి వచ్చిన అంకిత అప్పటి నుండి హాస్టల్ కు వెళ్లడం లేదు.

ఇంటి వద్దనే ఉంటుండంతో అంకిత తల్లిదండ్రులు హాస్టల్ కు వెళ్ళాలని నచ్చచెప్పే ప్రయత్న చేశారు. హాస్టల్ కు వెళ్లడం ఇష్టంలేని అంకిత సోమవారం తెల్లవారు జామున ఆత్మహత్యకు పాల్పడింది. పెంద్రం కిషన్ నిద్రలేచి చూసేసరికి అంకిత ఉరివేసుకుని విగతజీవిగా కనిపించడంతో వెంటనే పోలీసులకు ఫిర్యాదు చేశారు. సమాచారం అందుకున్న పోలీసులు సంఘటనా స్థలానికి చేరుకుని కేసు నమోదు చేసుకొని దర్యాప్తు చేస్తున్నట్లు ఎస్సై గంగారాం తెలిపారు. చిన్నతనంలో చనిపోవడంతో గ్రామంలో విషాదఛాయలు నెలకొన్నాయి.



Next Story