జీసీసీ గోదాంలో అగ్ని ప్రమాదం

దిశ, ఉట్నూర్ : ఐటీడీఏ పరిధిలో నిర్వహిస్తున్న జీసీసీ గోదాంలో ఆదివారం రాత్రి అగ్ని ప్రమాదం జరిగింది. స్థానికులు తెలిపిన వివరాల ప్రకారం మండల కేంద్రంలోని ఐటీడీఏ క్వాటర్స్ పక్కన ఉన్న జీసీసీ గోదాంలో అగ్ని ప్రమాదం జరిగింది. అటుగా వెళ్లే ప్రజలు, స్థానికులు గోదాం నుండి మంటలు, పొగ రావడంతో వెంటనే ఫైర్ స్టేషన్ కు, జీసీసీ అధికారులకు సమాచారం అందించారు.

ఫైర్ ఇంజన్ వచ్చి మంటలను ఆర్పడానికి శ్రమిస్తున్నారు. జేసీబీ సహాయంతో గన్నీ సంచులను బయటకు తీసే ప్రయత్నం చేస్తున్నారు. ప్రస్తుతం గోదాంలో గన్నీ సంచులు ఉన్నాయని వాటి విలువ సుమారు రూ.25 లక్షల వరకు ఉంటుందని జీసీసీ గోదాం క్లర్క్ చందూలాల్ తెలిపారు. గత రెండు నెలల క్రితమే బియ్యం గన్నీ సంచుల వేలం పాట జరిగిందని పేర్కొన్నారు. అగ్ని ప్రమాదం జరగడానికి గల కారణాలు తెలియాల్సి ఉంది.