ఫ్యామిలీతో అక్కడ ఎంజాయ్ చేస్తున్న యంగ్ బ్యూటీ.. ఇంట్రెస్టింగ్ క్యాప్షన్‌తో పోస్ట్
దిశ, సినిమా: యంగ్ బ్యూటీ మీనాక్షి చౌదరి(Meenakshi Chowdary) గురించి ప్రత్యేకంగా చెప్పాల్సిన పనిలేదు. ‘ఇచట వాహనాలు నిలుపరాదు’(Ichata Vahanalu Nilaparadhu) సినిమాతో ఇండస్ట్రీకి ఎంట్రీ ఇచ్చి.. అతి తక్కువ టైంలో ఎన్నో సూపర్ హిట్ చిత్రాలను తన ఖాతాలో వేసుకుంది. అలాగే తన అందం, అభినయంతో ప్రేక్షకుల్లో మంచి ఫేమ్ తెచ్చుకుంది. రీసెంట్‌గా మీనాక్షి టాలీవుడ్ స్టార్ హీరో విక్టరీ వెంకటేష్(Venkatesh) నటించిన ‘సంక్రాంతికి వస్తున్నాం’(Sankranthiki Vasthunnam) సినిమాతో ప్రేక్షకుల ముందుకు వచ్చింది. అనిల్ రావిపూడి(Anil Ravipudi) తెరకెక్కించిన ఈ మూవీలో హీరోయిన్ ఐశ్వర్య రాజేష్(Aishwarya Rajesh) కూడా నటించారు.
ప్రస్తుతం ఈ సినిమా బాక్సాఫీస్ వద్ద కలెక్షన్ల సునామీ సృష్టిస్తుంది. దీంతో ఈ మూవీటీమ్ సక్సెస్‌ను ఎంజాయ్ చేస్తున్నారు. మరోపక్క మీనాక్షి నిత్యం సోషల్ మీడియాలో యాక్టీవ్‌గా ఉంటూ తన లేటెస్ట్ ఫొటోస్‌లతో పాటు వ్యక్తిగత విషయాలను షేర్ చేస్తూ అభిమానులకు దగ్గరవుతూ ఉంటుంది. ఈ క్రమంలో ఈ భామ పోస్ట్ నెట్టింట వైరల్ అవుతోంది. తాజాగా ఈ భామ ఇన్‌స్టా వేదికగా వీడియో షేర్ చేసింది.
అందులో తన ఫ్యామిలీతో దుబాయ్‌లో ఎంజాయ్ చేసిన క్షణాలను ఓ వీడియో లాగా ఎడిట్ చేసి.. ‘లా ఫ్యామిలా’ అనే క్యాప్షన్ జోడించింది. ప్రస్తుతం ఈ పోస్ట్ నెట్టింట వైరల్‌గా మారగా.. సూపర్ ఫ్యామిలీ అంటూ నెటిజన్లు కామెంట్స్ చేస్తున్నారు. కాగా రీసెంట్‌గా సంక్రాంతికి వస్తున్నాం మూవీ రిలీజ్ అయిన తర్వాత తన ఫ్యామిలీతో ఫస్ట్ టైం దుబాయ్ వెకెషన్స్‌కి వచ్చాను అని అప్పుడు కూడా కొన్ని ఫొటోలు మీనాక్షి చౌదరి షేర్ చేసిన సంగతి తెలిసిందే.
