తల్లి ప్రేమకు మాటలు అవసరం లేదంటూ పవన్ కల్యాణ్ చెల్లెలు పోస్ట్..

దిశ, వెబ్‌డెస్క్: హీరోయిన్ సంయుక్త మీనన్ క్రేజ్ గురించి ప్రత్యేకంగా చెప్పాల్సిన అక్కర్లేదు. ఈ బ్యూటీ కేవలం తెలుగులోనే కాకుండా.. కన్నడ, మలయాళ చిత్రాల్లో కూడా అవకాశం దక్కించుకుని మంచి పేరు సంపాదించుకుంటుంది. కల్యాణ్ రామ్ సరసన బింబిసార సినిమాలో నటించి ప్రేక్షకుల మెప్పు పొందిన సంయుక్త మీనన్ ప్రస్తుతం సినీ ఇండస్ట్రీలో మంచి చాన్సులు అందుకుంటోంది. పవర్‌స్టార్ పవన్ కల్యాణ్ సరసన భీమ్లా నాయక్ సినిమాలో కూడా అవకాశం సంపాదించుకుని.. మరింత క్రేజ్ సొంతం చేసుకుంది.

2022 లో కన్నడ మూవీ అయిన గాలిపట 2 సినిమాలో నటించి జనాల్ని మంత్రముగ్దుల్ని చేసిందనడంలో అతిశయోక్తిలేదు. అలాగే సంయుక్త మీనన్ తీవండి, లిల్లీ, జులై, ఓరు యమంన్ ప్రేమకథ, ఉయారే కల్కి, ఎదక్కడ్ బెటాలియన్ 06, అండర్ వరల్డ్, విరూపాక్ష, రామ్ శర్వా వంటి సినిమాల్లో నటించి మెప్పించింది. అయితే నేడు మదర్స్ డే సందర్భంగా సంయుక్త మీనన్ సోషల్ మీడియాలో తల్లిపై ప్రేమను వ్యక్త పరిచింది. తన అమ్మ ఫొటోను పంచుకుని.. ఓ క్యాప్షన్ కూడా రాసుకొచ్చింది.

తల్లి ప్రేమకు మాటలు అవసరం లేదని వెల్లడించింది. ఈ రోజు, మనం ప్రతి ఇంటి హృదయాన్ని గౌరవిస్తామని తెలిపింది. అలాగే మనకు జీవితాన్ని, ప్రేమను, బలాన్ని ఇచ్చిన తల్లి గురించి ఎంత చెప్పిన తక్కువే అంటూ కొనియాడింది. అద్భుతమైన తల్లులందరికీ మాతృదినోత్సవ శుభాకాంక్షలు అంటూ వ్యాఖ్యలు జోడించింది.