‘స్పిరిట్’ కీలక షెడ్యూల్ షూటింగ్ అక్కడే!

దిశ, సినిమా: పాన్ ఇండియా స్టార్ ప్రభాస్, త్రిప్తి డిమ్రి జంటగా నటిస్తున్న భారీ ప్రాజెక్ట్ ‘స్పిరిట్’. ఈ సినిమాకు సందీప్ రెడ్డి వంగా దర్శకత్వం వహిస్తున్నారు. ఇందులో ప్రభాస్ పవర్ ఫుల్ పోలీస్ ఆఫీసర్ పాత్రలో కనిపించనున్నారు. షూటింగ్ శరవేగంగా జరుపుకుంటున్న ఈ మూవీపై ప్రేక్షకుల్లో భారీ అంచనాలు నెలకొన్నాయి. ఈనేపథ్యంలో.. తాజాగా, ఈ చిత్రానికి సంబంధించిన ఓ వార్త నెట్టింట వైరల్‌గా మారింది. తాజా సమాచారం ప్రకారం.. ఈ సినిమాకు సంబంధించిన ఓ కీలకమైన షెడ్యూల్‌ను హైదరాబాద్‌లోని చంచలగూడ సెంట్రల్ జైలులో షూట్ చేయనున్నట్లు టాక్. ఈ షెడ్యూల్‌లో హీరో ప్రభాస్ కూడా పాల్గొనబోతున్నట్లు తెలుస్తోంది. కథలో ఎంతో కీలకమైన సీన్లను ఈ జైలు లోకేషన్‌లో చిత్రీకరించాలని మేకర్స్ నిర్ణయించుకున్నారట. హై వోల్టేజ్ డ్రామా, యాక్షన్ సీక్వెన్స్‌లుగా సాగే ఈ సీన్స్ ‘స్పిరిట్’ సినిమాకే హైలైట్‌గా నిలుస్తాయని వార్తలు వస్తున్నాయి. సందీప్ రెడ్డి వంగా మార్క్ మేకింగ్ స్టైల్’ను చూసేందుకు ప్రేక్షకులు ఎంతగానో ఎదురుచూస్తున్నారు. అయితే ఇన్నాళ్లు, లవ్ అండ్ ఎమోషన్స్, యాక్షన్స్‌తో మెప్పించిన ప్రభాస్ మొదటిసారి ఇందులో పోలీస్‌గా నటిస్తుండంతో అందరిలో ఆసక్తి నెలకొంది.