భూపతిరావుకు రాష్ట్ర స్థాయి ప్రతిభారత్న అవార్డు

881

దిశ, భద్రాచలం టౌన్ : సమాజసేవా తత్పరుడు, గ్రీన్ భద్రాద్రి గౌరవ అధ్యక్షులు గోళ్ళ భూపతిరావుకు రాష్ట్ర స్థాయి ప్రతిభా రత్న అవార్డు దక్కింది. వైజా‌గ్‌కు చెందిన అఖిల భారత సాంస్కృతిక సమాఖ్య వారు ఈ అవార్డును ప్రదానం చేశారు. వైజాగ్‌లోని మద్దెలపాలంలో గల కళాభారతి ఆడిటోరియంలో సంస్థ కన్వీనర్ డాక్టర్ గనగళ్ళ విజయకుమార్, వైజాగ్ ఎంపీ ఎంవీవీ సత్యనారాయణ చేతుల మీదుగా ఈ అవార్డు అందుకున్నారు.

స్వతహాగ మొక్కల ప్రేమికుడైన భూపతిరావు.. ఉద్యానవన శాఖ అధికారిగా పనిచేసిన కాలంలో ఐటీడీఏలో లక్షల మొక్కలు గిరిజనులతో నాటించి వాటి పోషణ బాధ్యత, సక్రమ నిర్వహణ చేయించిన ఘనత ఆయనకు ఉంది. 25 ఏండ్ల తన ఐటీడీఏ సర్వీసులో 8 అవార్డులను పొందారు. పదవీ విరమణ తర్వాత గ్రీన్ భద్రాద్రి సంస్థలో చురుకైన పాత్ర పోషిస్తూ, కొన్నివేల మొక్కలను భద్రాచలంలో నాటించి వాటిని సంరక్షిస్తూ పట్టణ ప్రజల ప్రశంసలను అందుకొంటున్నారు.

గల్లీ టూ గ్లోబల్ అప్డేట్స్.. రంగులు మారే రాజకీయాలపై ఆసక్తికర విశ్లేషణలు.. దమ్మున్న వార్తలు.. ఎప్పటికప్పుడు.. వాట్సాప్ ద్వారా పొందాలంటే.. మా నెంబ‌ర్‌ +91 88864 24242 ను సేవ్ చేసుకొని, "START" అని వాట్సాప్ ద్వారా మెసేజ్ పంపండి..