Palakollu: బీసీలకు నారా లోకేష్ కీలక హామీలు
దిశ, ( ఉభయ గోదావరి ప్రతినిధి): తెలుగుదేశం హయాంలోనే బీసీలకు పెద్ద పీట వేశామని, ఆర్ధికంగా తోడ్పాటునిచ్చామని టీడీపీ జాతీయ ప్రధాన కార్యదర్శి నారా లోకేష్ అన్నారు. యువగళం పాదయాత్రలో భాగంగా పాలకొల్లులో శెట్టిబలిజ కులస్తులతో ప్రత్యేక సమావేశం నిర్వహించారు. టీడీపీ హయాంలో బీసీలకు ప్రత్యేక కార్పొ రేషన్ ఏర్పాటు చేశారని చెప్పారు. యువతకు రాయితీలపై రుణాలిచ్చి ఉపాధి కల్పించామన్నారు. ప్రస్తుత సీఎం జగన్ బీసీలకు వెన్నుపోటు పొడిచారని మండిపడ్డారు. కార్పొరేషన్‌లో నిధులు లేకుండా చేశారని ధ్వజమెత్తారు. కల్లు గీత కార్మికుల ఆర్థిక కష్టాలకు కారణమయ్యారని ఆగ్రహం వ్యక్తం చేశారు. కల్లు గీత కార్మికుల సమస్యలు పట్టించుకో కుండా సమాజంలో వారి ఆత్మగౌరవం దెబ్బతినే రీతిలో ప్రవర్తిస్తున్నారని ఆక్షేపించారు. టీడీపీ అధికారంలోకి వస్తే బీసీలకు చక్కని అవకాశాలు కల్పిస్తామని నారా లోకేశ్ హామీ ఇచ్చారు.
