జగన్ వేయించిన రోడ్డును చూస్తే నవ్వు'తారు'.. టీడీపీ సెటైర్స్

దిశ, వెబ్‌డెస్క్: వైసీపీ ప్రభుత్వంపై టీడీపీ శ్రేణులు తీవ్ర స్థాయిలో విమర్శలు చేస్తున్నారు. జగన్ సర్కార్ వేసిన రోడ్లపై సోషల్ మీడియా వేదికగా పోస్టులు పెడుతూ.. ఎద్దేవా చేస్తున్నారు. తాజాగా.. తెలుగు దేశం పార్టీ అధికారిక ట్విట్టర్ ఖాతా నుంచి ఓ ఆసక్తికర పోస్టు పెట్టారు. అందులో.. ''అయ్యయ్యో వద్దమ్మా.. అది బ్లాక్ కేక్ అనుకొని పీకుతున్నారేమో! అది గిరిజన బిడ్డల ప్రయాణ సౌకర్యం కోసం ఏజెన్సీ ప్రాంతమైన డుంబ్రిగూడ మండలం సువ్వలో జగన్ రెడ్డి వేసిన నాణ్యమైన తారు రోడ్డు. దీనిని జగన్ రెడ్డి కనిపెట్టిన రివర్స్ టెక్నాలజీలో నిర్మించారు. ఎప్పుడు కావాలంటే అప్పుడు పార్టు పార్టులుగా రోడ్డుని పీక్కుపోవచ్చు.'' అంటూ సెటైర్లు వేస్తున్నారు. దీనిపై వైసీపీ శ్రేణులు సైతం తమదైన శైలిలో స్పందిస్తున్నారు.