పశువుల కోసం వెళ్లి.. ప్రాణాలమీదకు తెచ్చుకున్న తండ్రి, కొడుకు

దిశ, వెబ్‌డెస్క్: చిత్తూరు జిల్లా ఓజిలి మండలం గ్రద్దగుంటలో తీవ్ర విషాదం చోటుచేసుకుంది. చెరువులో మునిగి తండ్రికొడుకు మృతిచెందారు. చెరువులోకి గేదెలను పంపి.. యువకుడి తండ్రి బురదలో ఇరుక్కున్నాడు. తండ్రికోసం బురదలోకి వెళ్లిన యువకుడు బయటకు లాగడానికి ప్రయత్నించి తాను కూడా బురదలో చిక్కుకున్నాడు. ఈ క్రమంలో ఊపిరాడక ఇద్దరు మరణించారు. గమనించిన స్థానికులు యువకుడ్ని మృతదేహం వెలికితీశారు. తండ్రి కోసం గాలిస్తున్నారు. విషయం తెలుసుకున్న పోలీసులు హుటాహుటిన ఘటనా స్థలానికి చేరుకొని కేసు నమోదు చేసుకున్నారు. అనంతరం దర్యాప్తు ప్రారంభించారు. తండ్రి మృతదేహాన్ని వెలికితీసేందుకు యత్నిస్తున్నారు.