పేలిన సిలిండర్.. ఆరుగురికి తీవ్ర గాయాలు.. ఇద్దరి పరిస్థితి విషమం

దిశ, కళ్యాణదుర్గం: అనంతపురం జిల్లా కుందుర్పి మండలం తెనగల్లులో గ్యాస్ సిలిండర్ పేలింది. ఈ ఘటనలో ఆరుగురికి గాయాలయ్యాయి. తెనగల్లు గ్రామానికి చెందిన ముస్తఫా ఇంట్లో సిలిండర్ పేలి ఇల్లు ధ్వంసం అయింది. ఈ ఘటనలో భీమ్ రాజ్, చౌడన్న, నారాయణస్వామి, రామాంజనేయులు, మారుతీకి తీవ్రగాయాలు కావడంతో కళ్యాణదుర్గం ప్రభుత్వ ఆసుపత్రికి తరలించారు. ఈ విషయం తెలుసుకున్న పోలీసులు ఘటన స్థలానికి చేరుకొని పరిస్థితులను పరిశీలించారు. అయితే తీవ్రంగా గాయపడిన సిద్దేశ్వర పరిస్థితి ఉషమంగా ఉండటంతో మెరుగైన వైద్యం కోసం మరో ఆస్పత్రికి తరలించారు.