SHOCKING NEWS: ఇక నుంచి తలల మార్పిడి కూడా? నెట్టింట వైరలవుతోన్న షాకింగ్ వీడియో!
ఇప్పటివరకు మనం ఎన్నో ట్రాన్స్ ప్లాంట్స్ చూశాం. హార్ట్ గానీ, కిడ్నీ గానీ ఇప్పటివరకు ఇలా చాలానే చేశారు.
దిశ, వెబ్‌డెస్క్: ఇప్పటివరకు మనం ఎన్నో ట్రాన్స్ ప్లాంట్స్ చూశాం. హార్ట్ గానీ, కిడ్నీ గానీ ఇప్పటివరకు ఇలా చాలానే చేశారు. అయితే ఫ్యూచర్ లో తలల మార్పిడి కూడా జరగనుందట. ఈ వార్త విన్న జనాలకు ఆశ్చర్యంగా ఉందేమో కానీ అమెరికాలో ఇప్పటికే ఇలాంటి ఆవిష్కరణకు సంబంధించిన పనులు కూడా ప్రారంభించారు. ఒక మార్గదర్శక న్యూరోసైన్స్ , బయోమెడికల్ ఇంజనీరింగ్ స్టార్టప్ బ్రెయిన్‌బ్రిడ్జ్, ప్రపంచంలోనే మొట్టమొదటి తల మార్పిడి వ్యవస్థను అభివృద్ధి చేయడానికి తన సాహసోపేతమైన మిషన్‌ను ఆవిష్కరించింది. అంతేకాకుండా ఆ మెషిన్ ఎలా పని చేస్తుందని తెలియజేసేలా ఓ వీడియో కూడా రిలీజ్ చేశాడు. ఈ రకం ప్రయోగాలను తాము సైంటిఫిక్ గా నిరూపించాలనుకుంటున్నామని బ్రెయిన్ బ్రిడ్జ్ వెల్లడించింది. స్టేజ్-4 క్యాన్సర్, పక్షవాతం, బలహీనపరిచే న్యూరోడెజెనరేటివ్ వ్యాధుల వంటి అకారణంగా అధిగమించలేని పరిస్థితులతో బాధపడుతున్న రోగులకు ఈ హెడ్ ట్రాన్స్ ప్లాంట్ ఆశాజనకంగా ఉంటుందని వారు తెలిపారు. అల్జీమర్స్, పార్కిన్సన్స్ వంటి రోగులకు కూడా యూజ్ అవుతుందని పేర్కొన్నారు. ఎవరైన హెల్త్ ఇష్యూతో బాధపడుతుంటే వారి తలను ఇతర ఏ సమస్యలు లేకుండా కేవలం బ్రెయిన్ డెడ్ తో చనిపోయిన వారి బాడీకి ఎటాచ్ చేస్తారట. ఈ శస్త్ర చికిత్స చేసే రోబోలు.. రెండు బాడీలకు ఒకేసారి శస్త్ర చికిత్స చేయగలవట. హెడ్ మార్పిడి తర్వాత కూడా వారికి సంబంధించిన అన్ని విషయాలు గుర్తుంచేలా జాగ్రత్తలు తీసుకుంటారట. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.