గెస్ట్ ఫ్యాకల్టీ కోసం దరఖాస్తుల ఆహ్వానం..

దిశ, హనుమకొండ టౌన్ : ఉమ్మడి వరంగల్ జిల్లాలోని హసనపర్తి, వేలేరు వంగర, బండారు పల్లి, కొడకండ్ల, నెక్కొండ రెసిడెన్షియల్ జూనియర్ కళాశాల, పాఠశాలలో ఖాళీగా ఉన్న వివిధ సబ్జెక్టులు బోధించేందుకు గెస్ట్ టీచర్స్, గెస్ట్ లెక్చరర్ పోస్టుల కోసం దరఖాస్తులు ఆహ్వానిస్తున్నట్లు హననపర్తి రెసిడెన్షియల్ జూనియర్ కళాశాల ప్రిన్సిపాల్ కె. ఇందుమతి ఒక ప్రకటనలో కోరారు. ఎంపికైన అభ్యర్థులు ఐదో తరగతి నుండి ఇంటర్మీడియట్ వరకు ఆంగ్ల మాద్యమంలో బోధించవలసి ఉంటుందన్నారు. అర్హత, ఆసక్తి కలిగిన నిరుద్యోగ అభ్యర్థులు ఈ నెల 30 వరకు దరఖాస్తులు చేసుకోవాలని కోరారు. బోధన అనుభవం, మెరిట్ ఆధారంగా ఎంపికైన అభ్యర్థులు జూన్ 1 వ తేదిన హసన్ పర్తి రెసిడెన్షియల్ జూనియర్ కాలేజ్, పాఠశాలలో జరిగే ఇంటర్వ్యూ, డెమోకు హాజరుకావాల్సి ఉంటుందన్నారు. పూర్తి వివరాల కోసం 9866559727 సంప్రదించాలని కె. ఇందుమతి సూచించారు.