ప్రభుత్వ వెబ్‌సైట్ పనిచేయడం లేదు: పొన్నాల లక్ష్మయ్య

దిశ, తెలంగాణ బ్యూరో: బీఆర్ఎస్​ప్రభుత్వం అవినీతిలో పేరుకుపోయిందని మాజీ పీసీసీ అధ్యక్షులు పొన్నాల లక్ష్మయ్య అన్నారు. సోమవారం గాంధీభవన్‌లో ఆయన మాట్లాడుతూ.. ప్రభుత్వం చేస్తున్న తప్పులు బయటకు రాకుండా సీఎం జాగ్రత్తలు తీసుకుంటున్నారని చెప్పారు. కాగ్ రిపోర్టును కూడా అందుకే రిలీజ్​చేయలేదని చెప్పారు. తెలంగాణ బడ్జెట్ సమావేశాలు అత్యంత తక్కువ రోజులు ఎందుకు? నడిపారో సీఎం కేసీఆర్​స్పష్టం చేయాల్సిన అవసరం ఉన్నదన్నారు. ప్రభుత్వ వెబ్​సైట్లు కూడా పనిచేయడం లేదన్నారు. ఇరిగేషన్​ప్రాజెక్టుల మీద కేసీఆర్ పచ్చి అబద్ధాలు ఆడుతున్నట్లు చెప్పారు. కమీషన్ల కోసం కాంట్రాక్ట్‌లకు వర్క్‌లు ఇస్తున్నారన్నారు. కాంగ్రెస్ జలయజ్ఞంలోనే 33 ప్రాజెక్టులు చేశామన్నారు. బీజేపీ, బీఆర్ఎస్ పార్టీలు ఒకే గూటి పక్షులన్నారు. రాబోయే రోజుల్లో కేసీఆర్ జైలుకు వెళ్లడం ఖాయమన్నారు.