ఇస్రో మరో ఘనత.. జాబిల్లి నుంచి భూ కక్ష్యలోకి చంద్రయాన్-3 మాడ్యూల్

దిశ, డైనమిక్ బ్యూరో: చంద్రయాన్-3 సక్సెస్‌తో ఊపు మీద ఉన్న ఇస్రో మరో ఘనత సాధించింది. అయితే చంద్రయాన్​-3 ప్రాజెక్టులో భాగంగా చంద్రుడి వద్దకు పంపిన (పీఎం) ప్రొపల్షన్ మాడ్యూల్‌ను విజయవంతంగా చంద్రుడి కక్ష్య నుంచి భూ కక్ష్యలోకి ప్రవేశపెట్టినట్లు ఇస్రో ఇవాళ ట్విట్టర్ వేదికగా తెలిపింది. ఇది ప్రత్యేక ప్రయోగమని ఇస్రో శాస్త్రవేత్తలు​పేర్కొన్నారు. చంద్రుడిపై నుంచి నమూనాలు సేకరించి ప్రణాళికలు చేస్తున్న ఇస్రో, తాజా ప్రయోగం ఆ మిషన్‌కు ఉపయోగపడుతుందని ప్రకటించింది. నమూనాలను తీసుకుని తిరిగి వచ్చే మిషన్ కోసం వ్యూహంలో భాగంగా (పీఎం) ప్రొపల్షన్ మాడ్యూల్‌లోని అదనపు సమాచారం దోహదపడుతుందని పేర్కొంది. కాగా, చంద్రయాన్-3 మిషన్.. చంద్రుడి దక్షిణ ధ్రువంపై భారత్​ఈ ఏడాది ఆగస్టు 23న సాఫ్ట్​ ల్యాండింగ్ చేసిన విషయం తెలిసిందే.