సల్మాన్ ఖాన్ ఇంటి సమీపంలో కాల్పులు జరిపిన నిందితుడు జైలులో ఆత్మహత్య

దిశ, వెబ్‌డెస్క్: ఇటీవల బాలీవుడ్ స్టార్ హీరో సల్మాన్ ఖాన్ ఇంటి సమీపంలో ఇద్దరు దుండగులు కాల్పులు జరిపి అక్కడి నుంచి పారిపోయారు.  ఈ ఘటనను సీరియస్‌గా తీసుకున్న ప్రభుత్వం నిందితులను వెంటనే పట్టుకోవాలని సూచించింది. దీంతో రంగంలోకి దిగిన పోలీసులు కాల్పులకు పాల్పడిన ఇద్దరు నిందితులను అదుపులోకి తీసుకుని కోర్టులో హాజరుపరిచిన తర్వాత జైలుకు తరలించారు. కాగా ఈ రోజు ఆ ఇద్దరిలో అనుజ్ థాపన్ అనే నిందితుడు.. పోలీసుల కస్టడిలో ఆత్మహత్యయత్నానికి పాల్పడ్డాడు. ఇది గమనించిన పోలీసులు హుటాహుటిన అతన్ని స్థానికం ఆస్పత్రికి తరలించి చికిత్స అందిస్తున్నట్లు తెలిపారు. కాగా అతను అక్కడ చికిత్స పొందుతూ మృతి చెందినట్లు డాక్టర్లు నిర్ధారించారు.