ఆయన కారణంగానే నేను ఆ పని చెయ్యలేదు.. మహేంద్ర సింగ్ ధోనిపై జాన్వీ కామెంట్స్ వైరల్

దిశ, సినిమా: బాలీవుడ్ బ్యూటీ జాన్వీ కపూర్ ప్రస్తుతం వరుస సినిమాలతో ఫుల్ బిజీగా ఉంది. తెలుగులో ఎన్టీఆర్ ‘దేవర’తో పాటు.. రామ్ చరణ్‌తో కూడా ఓ సినిమా చేస్తుంది. అంతే కాకుండా బాలీవుడ్‌లో స్టార్ హీరో రాజ్ కుమార్ రావు సరసన ‘మిస్టర్ అండ్ మిసెస్ మహి’ మూవీలో నటిస్తుంది ఈ బ్యూటీ. మోస్ట్ అవైటెడ్ క్రికెట్ డ్రామాగా తెరకెక్కుతున్న ఈ చిత్రాన్ని శరణ్ శర్మ దర్శకత్వం వహిస్తున్నాడు. స్టార్ ప్రొడ్యూసర్ కరణ్ జోహార్ నిర్మాతగా వ్యవహరిస్తున్న ఈ మూవీ మే 31 ప్రేక్షకుల ముందుకు వచ్చేందుకు సిద్ధంగా ఉంది.

ఈ క్రమంలోనే వరుస ప్రమోషన్స్‌లో పాల్గొంటున్నారు చిత్ర బృందం. ఈ మేరకు ఓ ఇంటర్వ్యూలో పాల్గొన్న జాన్వి క్రికెట్ కింగ్ మహేంద్ర సింగ్ ధోనీ గురించి ఆసక్తికర కామెంట్స్ చేసింది. ఇటీవల ఐపీఎల్ మ్యాచుల్లోనూ, ‘మిస్టర్ అండ్ మిసెస్ మహి’ మూవీ ప్రమోషన్స్‌లోనూ జాన్వీ కపూర్ జెర్సీ నెంబర్ 6తో కనిపించి సందడి చేస్తుంది. దీని గురించి ప్రశ్నించగా.. ‘ధోనీ జెర్సీ నంబర్ 7 కాబట్టి.. ఆ కారణం చేతనే నేను ఆ నంబర్ ధరించలేదు. అది ఆయనకు మాత్రమే సొంతం’ అంటూ చెప్పుకొచ్చింది. ప్రస్తుతం జాన్వి కామెంట్స్ నెట్టింట వైరల్ అవుతున్నాయి.