డబ్బులు లేక టీ అమ్ముకున్న హీరోయిన్.. వైరల్ అవుతున్న న్యూస్!

దిశ, సినిమా : టాలీవుడ్ సీనియర్ నటి లయకు సంబంధించిన న్యూస్ ఈ మధ్య తెగ వైరల్ అవుతుంది. చిత్ర పరిశ్రమకు గ్యాప్ ఇచ్చి చాలా రోజుల తర్వాత మళ్లీ తెరమీదకు రావడానికి సిద్ధంగా ఉన్న ఈ ముద్దుగుమ్మ సోషల్ మీడియాలో తెగ రచ్చ చేస్తోంది. తాజాగా ఓ ఇంటర్వ్యూలో పాల్గొన్న ఈ నటి తమ అభిమానులతో చాలా విషయాలు షేర్ చేసుకుంది. అంతే కాకుండా తాను ఎదుర్కొన్న సమస్యలు, అవమానాల గురించి ఓపెన్‌గా చెప్పుకొచ్చింది. ఈ క్రమంలోనే తనపై వచ్చిన రూమర్ గురించి చెబుతూ లయ ఎమోషనల్ అయ్యింది.

అసలు విషయంలోకి వెళ్లితే.. స్వయం వరం సినిమాతో తెలుగు ప్రేక్షకులకు పరిచయమైన ఈ నటి అతి తక్కువ సమయంలోనే స్టార్ హీరోల అందరితో స్క్రీన్ షేర్ చేసుకున్న విషయం తెలిసిందే. మంచి పాపులరిటీ ఉన్న సమయంలోనే ఎన్నారైని వివాహం చేసుకొని, చిత్ర పరిశ్రమకు గుడ్ బై చెప్పి అమెరికా వెళ్లిపోయింది. ఇక ఆ తర్వాత లయకు సంబంధించిన అనేక పుకార్లు షికార్లు చేశాయి. మరీ ముఖ్యంగా.. హీరోయిన్ లయ భర్త ఆస్తులన్నీ పోయి లయ ప్రస్తుతం అమెరికాలో టీ హోటల్ పెట్టుకుని టీ అమ్ముకుంటుందని ఒక రూమర్ చక్కర్లు కొట్టింది. అయితే దీనిపై లయ మాట్లాడుతూ.. ఈ వార్త మా ఫ్యామిలీని చాలా బాధపెట్టింది. ఇండస్ట్రీకి దూరమైతే ఇలాంటి రూమర్స్ క్రియేట్ చేస్తారా? అసలు అందులో ఎలాంటి నిజం లేదు అని, నేను నా ఫ్యామిలీతో ఎక్కువ టైమ్ స్పెండ్ చేయాలి అనుకున్నాను అందుకే ఇండస్ట్రీకి దూరమయ్యానంటూ చెప్పుకొచ్చింది.