దసరా కానుకగా 'Unstoppable with NBK'
న్‌స్టాపబుల్ షో సీజన్-1కు హోస్ట్‌గా వ్యవహరించి నందమూరి బాలకృష్ణ అదరగొట్టిన విషయం తెలిసిందే.
దిశ, వెబ్‌డెస్క్: అన్‌స్టాపబుల్ షో సీజన్-1కు హోస్ట్‌గా వ్యవహరించి నందమూరి బాలకృష్ణ అదరగొట్టిన విషయం తెలిసిందే. ఈ షోతో బాలయ్య బాబు యువతకు మరింత దగ్గరయ్యారు. అంతే కాకుండా తన డైలాగ్స్, మ్యానరిజంతో హోస్ట్‌గా కూడా అందరినీ అలరించారు. అయితే ఇదివరకే పలు షోల్లో బాలయ్య అన్‌స్టాపబుల్ సీజన్-2 కూడా ఉండనున్నట్లు ప్రకటించారు. దీనికి సంబంధించిన ఏర్పాట్లు కూడా జరుగుతున్నాయి. అన్‌స్టాపబుల్ అక్టోబర్‌లో ప్రారంభించనున్నారు. మొదటి ఎపిసోడ్‌ను చిరంజీవితో చేయాలనుకుంటున్నారు. ఈ షో కోసం ప్రత్యేకంగా మహతి స్వర సాగర్, ర్యాపర్ రోల్ రైడ్ సాంగ్‌ని కూడా కంపోజ్ చేస్తున్నారని తెలుస్తోంది. మొదటి సీజన్‌లో బాలయ్య అన్‌స్టాపబుల్‌తో ఆహా ఓటీటీకి భారీగా సబ్స్క్రైబర్స్ కూడా పెరిగారు. ఓటీటీలో అత్యంత పాపులర్ షోగా ఆన్‌స్టాపబుల్ గుర్తింపు తెచ్చుకుంది.