'AP04 రామాపురం'.. రెండో పాట విడుదల
రామ్ జక్కల, అఖిల ఆకర్షణ ప్రధాన పాత్రల్లో తెరకెక్కిన చిత్రం ‘AP04 రామాపురం’.
దిశ, సినిమా : రామ్ జక్కల, అఖిల ఆకర్షణ ప్రధాన పాత్రల్లో తెరకెక్కిన చిత్రం 'AP04 రామాపురం'. త్వరలోనే విడుదలకానున్న ఈ సినిమా నుంచి తాజాగా 'ఏటి చేయను' అంటూ సాగే వీడియో సాంగ్ రిలీజ్ చేశారు మేకర్స్. ఎస్‌వి ఇంజనీరింగ్ కళాశాల యాజమాన్యం, విద్యార్థుల ఆధ్వర్యంలో ఈ కార్యక్రమం జరగగా అభిమానులు పెద్ద ఎత్తున తరలివచ్చారు. ఈ సందర్భంగా మాట్లాడిన రామ్ జక్కల.. సినిమాలను ఆదరించాలని కోరారు.
కష్టాన్ని కూడా ఇష్టంగా భావించి ఈ సినిమా చేశామని పేర్కొన్న దర్శకుడు హేమ రెడ్డి.. మా చిత్ర బృందానికి అందరి సపోర్టు అవసరమని తెలిపారు. ఇక ఆర్‌ఆర్ క్రియేటివ్ క్రియేషన్స్ పతాకంపై ఎస్.వి శివారెడ్డి సమర్పణలో తెరకెక్కిన చిత్రాన్ని రామ్ రెడ్డి అందురి, డి. ఎల్లారెడ్డి నిర్మించారు.