నేడు బుద్ధ పౌర్ణమి.. ఈ రోజు తప్పకుండా చేయాల్సిన పనులు ఇవే!

దిశ, ఫీచర్స్ : జ్యోతిష్య శాస్త్రం ప్రకారం బుద్ధ పౌర్ణిమకు ప్రత్యేక ప్రాముఖ్యత ఉంది. ఈరోజు అన్నదానం చేయడం, గురువును ఆరాధించడం, దానం స్వీకరించడం లక్ష్మీదేవి యొక్క నిజమైన అనుగ్రహం అని నమ్ముతారు. అంతేకాదు ఈ వైశాఖ పౌర్ణమిని బుద్ధ పూర్ణిమ అని కూడా అంటారు. ఈ రోజున ఏమి చేయాలో ఇక్కడ తెలుసుకుందాం.

ఈ ఏడాది మే 22న సాయంత్రం 5:42 గంటలకు ప్రారంభమయి.. మరుసటి రోజు సాయంత్రం పూర్ణిమ 06:00 వరకు కొనసాగుతుంది. జ్యోతిష్య శాస్త్రం ప్రకారం, మే 23న ప్రత్యేక పూజలు చేయడం చాలా మంచిది.

జ్యోతిష్య శాస్త్రం ప్రకారం, బుద్ధ పౌర్ణమి రోజున బుద్ధుని చిత్రాలను ఇంటికి తీసుకురావడం ప్రత్యేక పూజలు చేయడం వల్ల చాలా ప్రయోజనాలు లభిస్తాయని భక్తులు నమ్ముతారు. ఈ రోజున బుద్ధుని ఉపవాసం చేయడం వలన మీరు కోరుకున్న కోరికలు కూడా నెరవేరుతాయి. వైశాఖ పౌర్ణమి రోజున బుద్ధుడి చిత్రాలను తీసుకురావడం.. బహుమతిగా ఇవ్వడం ఇంటి ఆనందాన్ని రెట్టింపు చేస్తుంది. అలాగే ఆనందం పెరుగుతుందని నమ్మకం.

అంతేకాకుండా, పురాణాల ప్రకారం, ఈ వైశాఖ పౌర్ణమి రోజున లక్ష్మీదేవికి సంబంధించిన యంత్రాన్ని కొనుగోలు చేయడం, ఇంట్లో ప్రత్యేక పూజలు చేయడం కూడా ఆర్థిక ప్రయోజనాలను తెస్తుంది. అలాగే ఈరోజు ఇత్తడితో తయారుచేసిన లక్ష్మీదేవిని పూజిస్తే ఇంట్లోని నెగటివ్ ఎనర్జీ తొలగిపోతుంది. అలాగే కుటుంబంలో మరింత శాంతి, సంతోషాలు నెలకొంటాయని జ్యోతిష్య నిపుణులు అంటున్నారు.

గమనిక: ఇక్కడ అందించిన సమాచారం ఇంటర్నెట్ నుంచి తీసుకోబడింది. ఈ సమాచారాన్ని పరిగణనలోకి తీసుకునే ముందు జ్యోతిష్యులను సంప్రదించి పూర్తి వివరాలు తెలుసుకోగలరు. ‘దిశ’ ఈ విషయాలను దృవీకరించడం లేదు.