BREAKING: అల్లూరి జిల్లాలో పోలీసుల తనిఖీలు.. అక్రమంగా తరలిస్తున్న తాబేళ్లు స్వాధీనం
అక్రమంగా తరలిస్తున్న తాబేళ్లను పోలీసులు స్వాధీనం చేసుకున్న ఘటన అల్లూరి జిల్లా రంపచోడవరం మండలంలో చోటుచేసుకుంది.
దిశ, వెబ్‌డెస్క్: అక్రమంగా తరలిస్తున్న తాబేళ్లను పోలీసులు స్వాధీనం చేసుకున్న ఘటన అల్లూరి జిల్లా రంపచోడవరం మండలంలో చోటుచేసుకుంది. సాధారణ తనిఖీల్లో భాగంగా ఫోక్స్‌పేట చెక్‌పోస్ట్ వద్ద పోలీసులు వాహనాల తనిఖీలు చేపట్టారు. ఈ క్రమంలో ఓ వాహనంలో ఉల్లిపాయలు రవాణా పేరుతో 20 బస్తాల్లో సుమారు 1,589 తాబేళ్లు అక్రమంగా తరలిస్తున్నట్లుగా గుర్తించారు. ఈ మేరకు వాహనంలో ఉన్న ఇద్దరు వ్యక్తులను అదుపులోకి తీసుకున్నట్లు డీఎఫ్‌వో నరేంద్రన్ వెల్లడించారు. కోనసీమ జిల్లా రామచంద్రపురం నుంచి ఏజెన్సీ మీదుగా ఒడిశా ప్రాంతానికి అక్రమంగా తాబేళ్లను తరలిస్తున్నట్లుగా పోలీసుల ప్రాథమికి విచారణలో వెల్లడైంది.